Futbol üzrə Unibank Premyer Liqasının XII turunda “Neftçi” və “Xəzər Lənkəran” komandaları arasındakı oyunun 5-ci dəqiqəsində baş vermiş epizod Avropa mətbuatının diqqətini çəkib. Hollandiyanın idman nəşrləri meydan sahiblərinin yarımmüdafiəçisi Rəşad Abdullayevin qonaq müdafiəçi Şəhriyar Xəlilovun sifətinə endirdiyi şilləyə hakimlərin biganə münasibətini lağa qoyub.
“Elf Voetbal” nəşri yazır: “Şillə açıq-aydın görünürdü. Abdullayev sol əli ilə rəqib futbolçunun sifətinə zərbə endirir. Amma görünür, Azərbaycan futbolunda fərqli qaydalar var. Hakim nəinki qırmızı vərəqə göstərdi, əksinə, “Neftçi”nin lehinə cərimə zərbəsi təyin etdi. Yəqin ki, Abdullayevin İntizam Komitəsi tərəfindən cəzalandırılma ehtimalı da sıfıra bərabərdir”.
“Vk.nl” saytı da Rəşad Abdullayevin cəzasız qalmasını təəccüblə qarşılayıb. Bu nəşr də İntizam Komitəsinin “Neftçi”nin futbolçusunu cəzalandırmayacağı qənaətindədir. Lakin hər iki mətbu orqan da baş hakim Elnur Muradov kimi yanlışlığa yol verib. Onlar şillə zərbəsinə məruz qalanın Şəhriyar Xəlilov yox, Antonio Semedo olduğunu yazıblar.
Qeyd edək ki, oyun “Neftçi”nin qələbəsi ilə yekunlaşıb – 5:0. “Xəzər Lənkəran” klubu insidentlə bağlı AFFA İntizam Komitəsinə şikayət edib.
Mənbə: lent.az
"Qarabağ"ın "Turan Tovuz"u məğlub etdiyi oyun - Video
"Qarabağ" 7 qollu oyunda "Turan Tovuz"a qalib gəldi
UEFA-dan Şahruddinin oynadığı kluba avrokubok cəzası - Rəsmi
"Yuventus" Alleqrini istefaya göndərdi
"Qarabağ" - "Turan Tovuz": Heyətlər
Tuhel qərarını dəyişmədi
"Marsel"in baş məşqçisi karyerasını başa vurur
Azərbaycan cüdoçuları Avropa Kubokunda iştirak edəcəklər
1-ci liqada son turun oyunları eyni gündə, eyni saatda
"Yuventus"dan Mottaya 3 illik müqavilə təklifi
İki futbolçu "Liverpul"dan ayrılır - Rəsmi
FİFA VAR-la bağlı yeni qaydalar tətbiq edir
“Qarabağ” - "Turan Tovuz" oyununda qadın hakimlər
"Onlara daim deyirəm ki, yaraşıqlı, gözəl görünmək istəyirsinizsə, idmanla məşğul olun"
1-ci liqada çempionun mükafatlandırma vaxtı müəyyənləşdi