18:50
Donetskdə, “Dostluq” idman kompleksində kosika-karate üzrə Avropa çempionatı başa çatıb. 15 ölkənin, o cümlədən Şərq təkbətək döyüş növlərinin vətəni sayılan Yaponiyanın ən güclü karateçiləri öz çəki və yaş dərəcələrində qitə çempionu adı uğrunda mübarizə aparıblar. Turnirdə ümumən 400 idmançı iştirak etmişdir. Bu idman növünün tarixində ilk dəfə Azərbaycan idmançısı Sevinc Mövsünzadə yeddi yaşında katada kosika-karate üzrə Avropa çempionu olub.
Sevincin atası və məşqçisi, kosika-karate üzrə üçqat dünya çempionu Nazim Mövsünzadə AzərTAc-a bildirib ki, qaydalara görə, 9 yaşından kiçik uşaqlar turnirə buraxılmır, lakin Dünya Karate Federasiyasının prezidenti Masayuki Kukan Xisataki qızın məharətinə o dərəcədə heyran qalıb ki, Sevinci yarışlara buraxıb və sonra qızıl medalı şəxsən özü onun boynuna taxıb. Bu, Azərbaycan üçün böyük şərəfdir, çünki tarixdə ilk dəfə 7 yaşlı uşaq kosika-karate üzrə Avropa çempionu olub.
Azərbaycanı bu yarışlarda 15 nəfərlik nümayəndə heyəti təmsil etmişdir. Azərbaycan nümayəndələri Avropa çempionatında layiqincə çıxış edərək 5 qızıl, 1 gümüş və 6 bürünc medal qazanıblar.
Kosika-karate Şərq təkbətək döyüş növlərinin ən sərt kontakt növlərindən biridir. Burada idmançılar sözün əsl mənasında döyüşürlər, hərçənd kosika karatenin ən təhlükəsiz növlərindən biri sayılır. Məsələ bundadır ki, idmançıları döyüş zamanı xüsusi forma qoruyur. Lakin bu o demək deyil ki, mübarizə əzmi zəifləyir. Bəzən tatami üzərində emosiyalar aşıb-daşır.
Xatırladaq ki, 2012-ci ildə kosika-karate üzrə dünya birinciliyi Bakıda keçiriləcək.
Musiala əməliyyat olundu
Bundesliqa klubundan "Nyukasl"a keçdi
FİFA cəzasını təxirə saldı
“Şamaxı”dan növbəti transfer
İngiltərə millisində itki
"Qəbələ" yeni mövsüm hazırlıqlarına başladı - Şəkillər
"Real"ın futbolçuları bütün klubları geridə qoydu
"Onlar haqqında hər şeyi bilirik" - Tomas Tuxel
Sabiq "Çelsi"li karyerasını bitirdi
"Meksika futbolu üçün tarixi matçlardan biri olacaq"
Dünya Çempionatı 2026
Xəbərlər
Təqvim
Cədvəl