20:26
AZAL futbol klubunun baş məşqçisi Elxan Abdullayev istefa verməyi qərara alıb. Bu haqda 41 yaşlı mütəxəssisin özü bildirib.
Abdullayev Premyer Liqada 7 turdur komandasının qalib gələ bilməməsini səbəb göstərib. O, XI turda “Sumqayıt Şəhər”ə 1:2 hesablı məğlubiyyətdən sonra AZAL-dan ayrılmaq istədiyini açıqlayıb: “Çempionatda indiyədək qalib gələ bilməyən komandaya uduzmaq mənim imicimə böyük zərbədir. İndiyədək karyeramda belə hal olmayıb. Bu gün rəhbərliklə görüşəcəyəm və istefa qərarımı bildirəcəyəm. Əvvəllər də iki dəfə istefa vermək istəmişəm. Amma rəhbərlik hələlik işləməyimi məqsədəuyğun sayıb. Amma bu dəfə qərarımda israrlıyam”.
Bununla belə, AZAL-la mövsümün sonunadək müqaviləsinin olduğunu xatırladan Abdullayev klub rəhbərliyinin qərarına hörmətlə yanaşacağını vurğulayıb. “7 turdur uda bilmirik. Bəlkə problem məndədir? Bəlkə futbolçular başqa ab-havada oynamağa öyrəşiblər. Mən isə nizam-intizamı xoşlayıram. Bəlkə mənə görə oynamaq istəmirlər?” deyən baş məşqçi postunda qalacağı halda heyətdə islahatlar aparıb-aparmayacağı ilə bağlı suala cavab vermək istəməyib (lent.az).
Musiala əməliyyat olundu
Bundesliqa klubundan "Nyukasl"a keçdi
FİFA cəzasını təxirə saldı
“Şamaxı”dan növbəti transfer
İngiltərə millisində itki
"Qəbələ" yeni mövsüm hazırlıqlarına başladı - Şəkillər
"Real"ın futbolçuları bütün klubları geridə qoydu
Dünya Çempionatı 2026
Xəbərlər
Təqvim
Cədvəl