22:24
Futbol üzrə Premyer Liqanın XI turunda “Qarabağ” və “Bakı” klubları arasında Ağdamın Quzanlı qəsəbəsindəki Olimpiya Kompleksinin stadionunda keçiriləcək oyun 1 dəqiqəlik sükutla başlayacaq. Bu haqda “Qarabağ”ın baş direktoru Əmrah Çəlikəl məlumat verib.
Çəlikəl “Türkiyənin Van vilayətindəki zəlzələ qurbanlarının xatirəsini yad etmək məqsədilə Premyer Liqanın növbəti turunun oyunları 1 dəqiqəlik sükutla anılsın” təşəbbüsünə dəstək verib: “Bildiyiniz kimi, klubumuzun prezidenti Abdulbari Gözəl faciə qurbanlarına 500 min dollar yardım edib. Premyer Liqa matçlarının 1 dəqiqəlik sükutla başlaması, fikrimcə, sırf klubların yox, çempionatı təşkil edən Peşəkar Futbol Liqasının qərarı ilə tənzimlənməlidir. Amma PFL prezidenti Ramin Musayev klubların işinə qarışmaq istəməyərək, bunun bizdən asılı olduğunu deyirsə, elə də edərik. “Bakı” ilə keçirəcəyimiz oyun 1 dəqiqəlik sükutla başlanacaq”.
Qeyd edək ki, oktyabrın 28-də keçiriləcək “Qarabağ” – “Bakı” matçı saat 15:00-da başlanacaq (lent.az).
Musiala əməliyyat olundu
Bundesliqa klubundan "Nyukasl"a keçdi
FİFA cəzasını təxirə saldı
“Şamaxı”dan növbəti transfer
Dünya Çempionatı 2026
Xəbərlər
Təqvim
Cədvəl