Binfim və Rusiç də "Xəzər Lənkəran"ın tarixinə düşdü

Binfim və Rusiç də "Xəzər Lənkəran"ın tarixinə düşdü
XƏBƏR 25 Oktyabr 2011 / 11:15 1532
-  A +

Premyer Liqanın X turunun “Bakı” ilə oyunu daha 2 futbolçunun ilk dəfə “Xəzər Lənkəran”da qol vurması ilə əlamətdar olub.

Qol.Az-ın klubun rəsmi saytına istinadən yaydığı məlumata görə, hesabı açan Eder Bonfim yeni klubundakı qol hesabını açan 70-ci futbolçu olub. Bu sayı yubiley həddinə çatdıran braziliyalı ölkəsinin komanda üçün qol vuran 8-ci təmsilçisi olub. Bu matçadək “Xəzər Lənkəran”ın qollarına imza atan 69 futbolçudan 7-si də braziliyalı idi. Lakin bu göstəricidə rekord başqa ölkəyə məxsusdur. İndiyədək 12 rumıniyalı cənub klubunun formasında qol sevinci yaşayıb.
 
Matçda bərabərlik qolunu vuran Dejan Rusiç isə “Xəzər Lənkəran” tarixinin yeganə sloveniyalısı olduğundan ölkəsinin ilk qolunu vurdu.
 
Bununla da komandamızda qol vuran oyunçuların ümumi sayı 71-ə çatdı. Bunların da 45-i legionerdir.

 


Son xəbərlər