22:19
Boks üzrə Azərbaycan milli komandası Bakıda keçirilmiş dünya çempionatında ən gənc kollektiv olub.
Qol.Az-ın AİBA-nın rəsmi saytına istinadən verdiyi məlumata görə, yarış zamanı yığmamızın orta yaş həddi 20,4 olub. Saytda yerləşdirilən məlumatda bildirilir: “Meydan sahibləri 16-cı dünya çempionatında ən gənc komanda olsa da, onlar 1 qızıl, 1 gümüş medal və daha 2 lisenziya qazana bildilər.
Bu boksçular WSB liqasından London Olimpiadasına vəsiqə qazanmış Soltan Migitinova qoşuldular. Ankarada Avropa çempionu olan Salman Əlizadə, Teymur Məmmədovla yanaşı, Elvin İsayevin də hələ 19 yaşı tamam olmayıb. Azərbaycan komandası London olimpiadasınadək təcrübəsini artıraraq, planetin ən böyük yarışında uğurla çıxış etməyə çalışacaq”.
Dünya çempionatında çıxış edən ikinci ən gənc komanda Dominikan Respublikası olub – 20,6 yaş. Dominikan yığması Azərbaycan paytaxtına 5 gənc boksçu göndərsə də, onlar olimpiadaya lisenziya qazana bilməyiblər.
Boks üzrə Meksika millisinin əsasını həmişə gənclər təşkil edir. Onların dünya çempionatında orta yaş həddi 20,7 olub. Ancaq meksikalılar Bakıda lisenziyaya həsrət qalıblar. Oskar Valdes və Oskar Molinalı Meksika komandası oktyabrın 21-də Qvadalaxara şəhərində təşkil olunacaq Pan Amerika oyunlarında uğur qazanmağa çalışacaq.
Dünya çempionatının digər gənc komandaları bunlar olub: Türkmənistan - 21,1, ABŞ - 21,3 Kuba - 21, 7, Özbəkistan - 21, 8, Polşa - 22,0, Qırğızıstan - 22, 2.
Ən yaşlı komanda isə Tailand millisi olub – 26,4. Bu ölkə 3 lisenziya əldə etsə də, medalsız qalıb. Dünya çempionatındakı digər təcrübəli komandalar: Kolumbiya - 26,1, İtaliya – 25,7, Rusiya - 25,3, Kanada – 25,2, Çin - 25,1, Mərakeş – 25.
Ümumiyyətlə, Bakıda bütün boksçuların orta yaş həddi 23,55, qızıl medalçıların orta yaş həddi 23,9 olub. Milandakı dünya çempionatı (24,2) ilə müqayisədə qaliblər bir qədər cavanlaşıblar.
Beş futbolçu komandanı tərk etdi - Reşford, Asensio...
Aksel Vitsellə bağlı qərar verildi - Rəsmi
"Zirə"də Utziq problemi
"Komanda gözlədiyimizdən yaxşı çıxış etdi" - Rəşad Sadıqov
"Qarabağ" "Zirə"yə böyük hesabla qalib gəldi
"Portu"da yeni baş məşqçi
"Liverpul" milli üzvü ilə müqaviləni yenilədi
"Beşiktaş"da ayrılıq
Azərbaycan millisinin üzvü Polşa klubundan ayrıldı
Aspilikueta "Atletiko"dan ayrıldı
"Sabah"ın rəqibi "Everton"un sabiq qapıçısını transfer etdi
Qvardiola: "Klublararası dünya çempionatı bizi məhv edəcək"
Dünya çempionatı ilə vidalaşdılar, baş məşqçini göndərdilər
"Sabah"dan Sofian Çakla qərarı
Ronaldo: "Biz çox dəyişəcəyik"
