Aleksandr Səmədov: "Advokat çox aqressiv məşqçidir"

XƏBƏR 14 Oktyabr 2011 / 17:27 2128

- A +

“Son günlər mənim üçün qeyri-adi və unudulmaz keçdi. Hesab edirəm ki, millidə çıxış edən hər bir futbolçu üçün bu belədir”.

Qol.Az-ın məlumatına görə, bu sözləri Rusiya millisinin yarımmüdafiəçisi Aleksandr Səmədov deyib. Avro-2012-nin seçmə mərhələsinin Slovakiya və Andorra ilə son iki oyununda komandanın heyətində yer alan azərbaycanlı futbolçu Rusiya seçməsindəki debütündən danışıb. 27 yaşlı futbolçu bu yaşda yığmaya dəvət almağın bir qədər fərqli hiss olduğunu bildirib:

“Yığmadanın düşərgəsində əhval-ruhiyyə çox yaxşı idi. Açığı, bir az da həyəcan var idi. Amma çox deyildi. Millinin bir çox üzvü ilə tanışam və müxtəlif vaxtlarda bir yerdə oynamışıq. Ona görə də Ona görə də komandada heç bir problem yaşamadım. Hətta yaxın dostların olmasa belə, millinin düşərgəsi çox gözəldir.

Düzdür, 27 yaşında milliyə dəvət alanda, hər şeyi normal qarşılayırsan. Yığmaya 20-21 yaşda çağırılmaqla bu yaşda dəvət almaq tamamilə fərqli hisslərdir. İnsan mənim yaşımda olanda, artıq nə istədiyini bilir”.

Rusiya millisinin baş məşqçisi Dik Advokat haqqında maraqlı fikirlər söyləyən yarımmüdafiəçi Slovakiya ilə oyunun uzatma dəqiqələrində meydana daxil olmasına da münasibət bildirib: “Advokat çox aqressiv məşqçidir. Onun komandanı necə yükləməsi hələ də yadımdadı. Çox emosionaldır və sanki bunu meydanda bütün olan futbolçulara da aşılayırdı. O, öz enerjisini oyunçularına ötürməyi bacarır.

Slovakiyaya qarşı oyunun uzatma dəqiqlərində meydana çıxmağımı millidəki debütüm kimi qarşılayıram. Son iki oyun Rusiya üçün həlledici idi. Ona görə də Advokat riskə getmədi. Ancaq mənə “meydana çıx”deyəndə, mən də hazırlaşıb oyuna daxil oldum”.

Səmədov Slovakiya ilə görüşdə 1 dəqiqə oynasa da, Andorra ilə ev qarşılşamasında daha çox meydanda olub. Futbolçu həmin oyundakı çıxışı ilə bağlı isə bunları dilə gətirib: “Andorra elə də səviyyəli komanda deyil. Bildiyimə görə, onlar balaca meydançalarda oynayırlar. Ona görə də “Lujniki” kimi stadionda bizə qarşı rəqibin heç bir şansı yox idi. Onlar Rusiya çempionatının nə birinci, nə də ikinci divizionunda çıxış edə bilərlər.

Bu komanda ilə oyunun taleyi final fitindən xeyli əvvəl həll olunmuşdu. Ancaq mənə 10-15 dəqiqə oynamaq şansı verildi. Pis deyildi. Əsas odur ki, azarkeşlər razı qaldılar və komanda lazım olan nəticəni əldə etdi”.

Təcrübəli futbolçu millinin oyunlarından sonra Advokatla görüşdüyünü və onunla şəxsi söhbət etdiyini bildirib: “Advokatla şəxsi söhbətim oldu. Baş məşqçi öz arzularını və mənim etməli olduğum şeyləri söylədi. Sonda isə mənə təşəkkür etdi və uğurlar arzuladı. Başqa heç nə deyə bilmərəm. Aramızda qalsın”.

Daha çox