"Neftçi" Lənkərana itkilərlə yollandı

"Neftçi" Lənkərana itkilərlə yollandı
XƏBƏR 10 Sentyabr 2011 / 00:01 1988
-  A +

Premyer Liqanın 5-ci turunda "Xəzər Lənkəran"la qarşılaşacaq "Neftçi" klubu artıq Lənkəran şəhərindədir.

Qol.Az-ın məlumatına görə, komanda üzvləri ötən gün oyunun keçiriləcəyi Lənkəran şəhər mərkəzi stadionunda məşq ediblər. Hazırlıq prosesi saat 20:00-da start götürüb.

"Neftçi"nin heyətində Emil Mpenza və Rodriqinyo zədəlidir. Əvəzində, milli komandalardan qayıdan futbolçular komandamanın düşərgəsindədir.

Rail Məlikov, Ruslan Abışov, Ruslan Əmircanov, Cavid Hüseynov Azərbaycanın əsas, Tərlan Quliyev, Mirhüseyn Seyidov, Cavid İmamverdiyev U-21 yığmasında, eləcə də Bahadır Nəsimov Özbəkistan, İqor Mitreski isə Makedoniya milli komandasından dönüb. Araz Abdullayev də komandanın heyətində Lənkərana yollanıb.

Qeyd edək ki, sentyabrın 10-da baş tutacaq "Xəzər Lənkəran" - "Neftçi" qarşılaşması saat 20:00-da başlanacaq.

 


Son xəbərlər