20:46
“Qarabağ” bazar günü premyerliqanın III turunda “Kəpəz”lə qarşılaşacaq. Qol.Az-ın klubun rəsmi saytına istinadən yaydığı məlumata görə, tarixini 1992-ci ildən götürən “Qarabağ” – “Kəpəz” dueli sayca 38-ci dəfə baş tutacaq (4 oyun kubokda).
Tərəflər 2006-ci ilə qədər çempionatlarda fasiləsiz 31 dəfə qarşılaşıblar (reqlamentlə əlaqədar olaraq 1993-cü ildə keçirilən 2-ci çempionatda tərəflər qarşılaşmayıblar). Ötən mövsüm elitaya qayıdan Gəncə klubuyla daha 2 oyun baş tutub.
İndiyə kimi baş tutan 33 oyunda “Kəpəz”in üstünlüyü diqqəti cəlb edir. Ağdam klubunun 12 qələbəsinin qarşılığında gəncəlilər 14 dəfə sevinən tərəf olublar. 7 görüşdə isə komandalar 1 xala razı olub.
Topların fərqinə gəlincə, “Qarabağ” vurduğu 38 qolun qarşılığında 47 dəfə məyus olub. Bu da var ki, ağdamlılar 9 ildi rəqibinə məğlub olmur. 2001-2002 mövsümündə alınmış 3:0-lıq məğlubiyyətdən sonra “Qarabağ” baş tutan 8 qarşılaşmada rəqibinə cəmi 2 dəfə 1 xal almasına imkan verib, 6 oyunu isə qələbəylə başa vurub.
Ötən mövsüm “Qarabağ” hər 2 oyunda qələbə qazanıb. İlk dövrədə Tofiq Bəhramov adına respublika stadionda baş tutmuş “ev” oyununda 3:0-lıq qələbə qeydə alınıb. Rəşad Sadiqov, Georgi Adamiya və Rauf Əliyev komandalarının mövsümdəki ilk böyükhesablı qələbələrini rəsmiləşdiriblər. Bu il fevralın 20-sində Gəncədə baş tutmuş cavab görüşündə isə Ağdam klubu Adamiyanın vurduğu yeganə qolla qələbə qazanıb.
32 il sonra ilk dəfə...
Fərid Nəbiyev "İmişli"də
“Sabah”ın potensial rəqiblərinin oyununda kim qalib gəldi?
Dambrauskas: “Bizi çətin səfər gözləyir”
İsveçrə - Kolumbiya: Heyətlər
Argentina - Misir matçının ən yaxşısı seçildi
“Sabah” bizi yordu” - TNS-in baş məşqçisi
Messi iki rekorda imza atdı
Dünya Çempionatı 2026
Xəbərlər
Təqvim
Cədvəl