22:47
Premyer Liqanın II turunun AZAL-la oyununda əldə olunan böyük hesablı qələbə “Xəzər Lənkəran” üçün bır sıra maraqlı faktlarla əlamətdar olub.
Qol.Az-ın klubun rəsmi saytına istinadən verdiyi məlumata görə, bu, 3:0 hesablı qələbə həm cari, həm tarixi baxımdan əhəmiyyət kəsb edib. Komanda cari mövsümdə çıxdığı 4-cü oyunda (2-si Avroliqa, 2-si Premyer Liqa) 1-ci dəfə böyük hesablı qələbə qazanıb.
“Xəzər Lənkəran” sonuncu belə qələbəsini ötən mövsüm, aprelin 23-də qazanmışdı. İndi olduğu kimi, həmin vaxt da rəqib AZAL idi. 113 gün əvvəl də komanda 3 cavabsız qol vursa da həmin vaxt öz meydanında qalib gəlmişdi. Bu 2 matç AZAL-la rəqabət dövründə qeydə alınan 2 böyük hesablı nəticədir.
Yeri gəlmişkən, bu, baş məşqçi Mirça Rednikin bu postda 3-cü böyükhesablı qələbəsidir. İki dəfə AZAL-ı məğlub edən Rednikli “Xəzər Lənkəran” MOİK-ə də eyni – 3:0 hesabı ilə qalib gəlmişdi.
Rednikli ilk 2 fərqli qələbə öz meydanımızda qazanılmışdısa rumıniyalı ilk dəfə səfər darmadağınına sevinib. Cənub təmsilçisi sonuncu dəfə rəqib meydanında 2009-cü il noyabrın 29-da coşmuşdu. 623 gün öncə “Bakı” ilə səfər oyununda 3:0-a sevinmişdik.
Premyer Liqada çıxış etdiyi 2004/05 mövsümündən bəri “Xəzər Lənkəran” hər çempionatda böyükhesablı qələbə qazanıb.
Ümumilikdə isə belə qələbələrin sayı artıq 32-yə çatıb.
2004/05 – 8
2005/06 – 1
2006/07 – 6
2007/08 – 5
2008/09 – 5
2009/10 - 4
2010/11 – 2
2011/12 - 1
Cəmi - 32
Ölkə çempionatı ilə yanaşı Azərbaycan kubokunda da böyükhesablı qələbələr olub. Bu yarışda 10 dəfə “Xəzər Lənkəran” rəqibinə aman verməyib.
2005/06 – 2
2006/07 – 3
2007/0/8 – 3
2008/09 – 2
Bu isə o deməkdir ki, AZAL-la oyunda "Xəzər Lənkəran" tarixinin 42-ci böyük hesablı qələbəsini qeyd edib.
32 il sonra ilk dəfə...
Fərid Nəbiyev "İmişli"də
“Sabah”ın potensial rəqiblərinin oyununda kim qalib gəldi?
Dambrauskas: “Bizi çətin səfər gözləyir”
Dünya Çempionatı 2026
Xəbərlər
Təqvim
Cədvəl