"Bakı"nın "Qəbələ" ilə 17-ci dueli

"Bakı" 20-ci Azərbaycan çempionatının start turunda səfərdə "Qəbələ" ilə qarşılaşacaq. Qol.Az-ın məlumatına görə, oyun sabah Qəbələ şəhər stadionunda baş tutacaq.

Rəqiblər bu günə qədər 16 dəfə qarşı-qarşıya gəliblər. Bu oyunlardan dördü kubok, on ikisi isə çempionat oyunlarına təsadüf edir.
 
"Bakı"nın bu oyunlarda böyük üstünlüyü diqqət çəkir. Belə ki, paxtaxt klubu "Qəbələ"ya qarşı keçirdiyi oyunların 11-də meydanı qalibiyyətlə tərk edib.

Maraqlıdır ki, "Bakı" qalib gəldiyi oyunların yalnız birində qapısında qol görüb (2:1). Komandaların qarşılaşmalarında ən populyar hesab 1:0-dır. 6 oyun bu nəticə ilə başa çatıb.

Rəqiblərin ilk görüşləri 2006-2007-cı il mövsümündə baş tutub. Hər iki oyun paytaxt təmsilçisinin qələbəsi ilə yekunlaşıb 1:0 və 1:0. Həmin mövsümdə kubok yarışları da komandaları qarşı-qarşıya gətirib. Yenə də "Bakı" üstün olub: 2:0 və 1:0.

2007-2008-ci il mövsümündə "Qəbələ" revanş götürməyə nail olub. Bu eyni zamanda öz meydanında "Bakı"ya 2:0 hesabı ilə qalib gələn Qəbələ klubunun yeganə qalibiyyətidir. Mövsümün ikinci dövrə oyununda "Bakı" bu məğlubiyyətin əvəzini artıqlaması ilə çıxıb 3:0.

2008-2009-cu il sezonunda komandalar kubok yarışlarının 1/4 final mərhələsində üz-üzə gəliblər. Hər iki oyun 1:1 hesabı ilə başa çatıb, 11 metrlik cərimə zərbələri ilə qalib gələn "Qəbələ" trofey uğrunda mübarizəni davam etdirib.

Həmin mövsümün hər iki oyunu da "Bakı"nın uğurları ilə yadda qalıb. "Bakı" evdə 3:0, səfərdə isə 1:0 hesabı ilə qalib gəlib.   

2010-11-ci illər mövsümündə komandalar 4 dəfə qarşı-qarşıya gəliblər. Çempionatın ilkin mərhələsində "Bakı" həm ev, həm də səfər oyununu 2:0 hesablı qələbə ilə başa vurub. Pley-of mərhələsində isə üstünlük "Qəbələ"nin tərəfində olub. Bakıda 1:1 hesablı sülh qeydə alınıb, Qəbələdə oynanılan cavab qarşılaşması isə meydan sahiblərinin 1:0 hesablı qalibiyyəti ilə tarixə düşüb.

Son mövsümə gəkdidə isə evdə qələbə qazanan “Bakı” (2:0), səfər oyununu da qalibiyyətlə başa vurub (1:0). Beləliklə, indiyədək keçirilən 16 qarşılaşmanın 11-də "Bakı", 2-də isə "Qəbələ" qalib gəlib, 3 oyun heç-heçə tamamlanıb.

Vurulan və buraxılan topların fərqi "Bakı"nın xeyrinədir: 22:7Rəqiblərin bütün oyunları:ç  29.10.2006  Qəbələ 0:1 Bakı


kb  21.11.2006  Bakı 2:0 Qəbələ
kb  02.12.2006  Bakı 1:0 Qəbələ
çm  18.04.2007  Qəbələ 0:1 Bakı
çm  19.08.2007  Qəbələ 2:0 Bakı
çm  24.02.2008  Bakı 3:0 Qəbələ
kb  06.03.2008  Bakı 1:1 Qəbələ
kb  20.03.2008  Qəbələ (p 5:4 ) 1:1 Bakı
çm  09.11.2008  Bakı 3:0 Qəbələ
çm  26.04.2009  Qəbələ 0:1 Bakı
çm  31.10.2009  Qəbələ 0:2 Bakı
çm  13.02.2010  Bakı 2:0 Qəbələ
çm  28.03.2010  Bakı 1:1 Qəbələ
çm  01.05.2010  Qəbələ 1:0 Bakı
çm  22.08.2010 Bakı 2:1 Qəbələ
çm  23.12.2010 Qəbələ 0:1 Bakı