Ramin Musayev: «Qarabağ» Quzanlıda neçə oyun keçirəcəyini müəyyənləşdirməlidir»

XƏBƏR 22 İyul 2011 / 18:06 1690
-  A +

Peşəkar Futbol Liqasının prezidenti Ramin Musayev «Qarabağ» klubunun Ağdamın Quzanlı qəsəbəsi stadionunda oynamaq istəyinə münasibət bildirib.

Qol.Az-ın məlumatına görə, çempionatın bu gün keçirilən püşkatma mərasimində o deyib ki, «Qarabağ» növbəti Premyer Liqa başlayana, yəni avqustun 6-a qədər Quzanlı stadionunda neçə oyun keçirəcəyini müəyyənləşdirməlidir.

«Komanda 16 ev oyunundan neçəsini Quzanlıda keçirmək istəyir? Bu barədə bizə əvvəlcədən rəsmi məlumat verilməlidir. Yoxsa, çempionat başlayanda hansısa komandayla, deyək ki, «İnter» və «Xəzər Lənkəran»la ev oyunlarını Quzanlıya salmaq rəqibə hörmətsizlik olar. Çempionatın gedişatı zamanı komandanın istəyinə uyğun oyunların Quzanlıya salınması mümkün olmayacaq» - deyə R.Musayev bildirib.


 


Son xəbərlər