20:29
Rusiyanın “Anji” klubunun braziliyalı futbolçusu Roberto Karlos “Krılya Sovetov”la ölkə çempionatı matçında ona banan atan azarkeşi bağışlayıb.
Qol.Az-ın məlumatına görə, bunu 38 yaşlı müdafiəçinin özü “Sovetskiy Sport” qəzetinə müsahibəsində deyib.
“Sambaçı” bildirib ki, onun üçün əsas məsələ olaya ictimaiyyətin biganə qalmamasıdır: “Təlim-məşq toplantısı vaxtı mənə dedilər ki, Samaradakı olay barədə hətta Rusiya Dumasında da danışılıb. İnanıram ki, Rusiya əhalisinin 99,9 faizi Roberto Karlosa həm insan, həm də futbolçu kimi hörmət edir. Axmaqlıq edən bir personaj isə gözəl ölkənin obrazını ləkələyə bilməz”.
Banan atan hələ tapılmasa da, məşhur futbolçu onunla görüşmək istədiyini söyləyib. Roberto Karlos hadisənin səbəbkarını bağışladığını açıqlayıb: “Qoy, həmin insan eşitsin: Mən elə bir ölkədən gəlmişəm ki, orada bəzi insanlar səhər yeməyə çörək tapmırlar. O isə yeməyi meydançaya tullayır. Bütün rusiyalılara, o cümlədən, məni incidənə uğurlar arzulayıram. Onun nəyə görə belə etdiyini anlamıram. Bəlkə həyatında hansısa problemləri var, köməyə ehtiyac duyur. Ümidvaram ki, o, özünə gələcək və həyatında hər şey yaxşı olacaq. Onunla tanış olmağın əleyhinə deyiləm. Mən bağışlamağı bacarıram və artıq onu bağışlamışam da”.
Qeyd edək ki, iyunun 22-də keçirilmiş “Krılya Sovetov” – “Anji” oyunu zamanı tribunadan samaralı azarkeşlərdən biri Roberto Karlosa banan atıb. Bu, “Anji”nin kapitanının Rusiyada üzləşdiyi ikinci analoji olay olub. İlk dəfə martın 23-də “Zenit”lə qarşılaşmada sankt-peterburqlu fanatlardan biri “sambaçı”ya banan uzadıb.
PSJ ilə 100-cü qələbə
"Qəbələ"nin sabiq futbolçusu "Kayrat"da
"Bu gün nisbətən yaxşı oyun nümayiş etdirdik" - Saşa İliç
"Sumqayıt" "Osiyek"ə məğlub oldu
"Zirə" Ukrayna və Çexiya komandalarına uduzdu - Yenilənib-2
5 oyunda 6 qol vurdu, ayın ən yaxşısı seçildi
"Neftçi" Çin klubuna qalib gəldi
Cenk Tosunun yeni klubu rəsmiləşdi
Premyer Liqada ötən ayın ən yaxşı məşqçisi məlum oldu
Konfrans Liqasında pley-offun püşkü atıldı
Nabi Keyta "Ferentsvaroş"da qaldı
U-21 millimiz yoxlama oyununda qalib gəldi
Bu gün “Qarabağ”da debüt etdilər - Şəkillər
“Mingəçevir” 7 futbolçunu göndərib, 5 yeni oyunçu alıb
Volkan Demireldən Nəriman və Medina açıqlaması
