22:10
Türkiyənin İsparta şəhərində təlim-məşq toplanışını davam etdirən Bakının "İnter" klubu bu gün sonuncu yoxlama görüşünü keçirib.
Qol.Az-ın klubun rəsmi saytına istinadən verdiyi məlumata görə, Bakı komandasının rəqibi Rusiya Premyer Liqasında çıxış edən "Terek" klubu olub. Oyun Qroznı təmsilçisinin qələbəsi ilə yekunlaşıb. Halbuki "İnter" ilk yarını öndə tamamlayıb. Fasilə ərəfəsində Girts Karlsons fərqlənib. "Terek" ikinci yarıya 5 əvəzləmə ilə başlayıb. Yeni oyunçulardan baxışda olan danimarkalı Yonas Borrinqin ötürməsindən sonra Vlasov hesabı bərabərləşdirib. Oyunda yekun nöqtəni isə Sadayev qoyub.
"İnter"in start heyətində Georgi Lomaya, Arif Daşdəmirov,Valeri Abramidze,Vladimir Levin(k), İlia Kandelaki, Bronislav Çervenka, Samir Zərgərov, Asif Məmmədov, Petar Zlatinov, Girts Karlsons və baxışda olan futbolçu (klubla müqaviləsi olmadığına adı açıqlanmır) yer alıb.
Ötən yoxlama görüşlərdə olduğu kimi, bu dəfə də Kaxaber Sxadadze fasilədə heyət dəyişikliyinə əl atıb. Baş məşqçi meydana Səlahət Ağayev, Xəyal Mustafaev, Rüstəm Abbasov, Ruslan Poladov, Nizami Haciyev, Daniel Genov, Şəhriyar Rəhimov, Baçana Tsxadadze və baxışda olan digər futbolçunu buraxıb. İkinci hissənin gedişində gürcüstanlı mütəxəssis daha iki əvəzetməyə əl atıb. O, Elnur Abdulovla Asif Miriliyə də şans verib.
Qeyd edək ki, bu, Kaxaber Sxadadzenin komandasının toplanış çərçivəsində sonuncu yoxlama matçı olub. "İnter" daha öncə Ukraynanın "Metallurq"(Zaporojye) klubunа 4:0 hesabı ilə qalib gəlib. Türkiyənin "Mersin İdman Yurdu" kollektivi ilə görüş isə bərabərliklə sonuclanıb - 3:3. "İnter" iyulun 12-də Bakıya qayıdacaq.
9 iyul
Yoldaşlıq görüşü
20:00. "İnter" - "Terek" - 1:2
Qollar: Girts Karlsons (1:0). Oleq Vlasov (1:1). Zaur Sadayev (1:2)
PSJ ilə 100-cü qələbə
"Qəbələ"nin sabiq futbolçusu "Kayrat"da
"Bu gün nisbətən yaxşı oyun nümayiş etdirdik" - Saşa İliç
"Sumqayıt" "Osiyek"ə məğlub oldu
"Zirə" Ukrayna və Çexiya komandalarına uduzdu - Yenilənib-2
5 oyunda 6 qol vurdu, ayın ən yaxşısı seçildi
"Neftçi" Çin klubuna qalib gəldi
Cenk Tosunun yeni klubu rəsmiləşdi
Premyer Liqada ötən ayın ən yaxşı məşqçisi məlum oldu
Konfrans Liqasında pley-offun püşkü atıldı
Nabi Keyta "Ferentsvaroş"da qaldı
U-21 millimiz yoxlama oyununda qalib gəldi
