19:01
“Real”ın baş məşqçisi Joze Mourinyo UEFA Çempionlar Liqasının Liqa mərhələsinin 1-ci turunda “İnter”ə qarşı keçirəcəkləri oyundan öncə təşkil olunan mətbuat konfransında bəzi məqamlara aydınlıq gətirib.
QOL.az xəbər verir ki, "Goal" nəşrinin məlumatına görə, portuqaliyalı mütəxəssis “Betis”ə 0:1 hesabı ilə uduzduqları görüşdən sonra “Real” futbolçularını “sadəlöv” adlandırmasından danışıb. O, bu ifadəni tənqid məqsədi ilə işlətmədiyini bildirib:
“Ola bilsin ki, “sadəlövh” sözüm mənfi mənada başa düşülüb. Mən bunu tənqid kimi deməmişdim, sadəcə reallığı təsvir edirdim. Sabah nəyi nəzərdə tutduğumu çox asanlıqla anlayacaqsınız”.
Mourinyo “Betis”lə oyunda Kilian Mbappenin yerinə yetirdiyi, lakin qolla nəticələnməyən penalti epizodunun VAR tərəfindən yenidən araşdırılmamasından narazılığını da dilə gətirib. O, həmin epizodla bağlı məsul şəxslərdən izahat tələb edib:
“Biz sadəcə “Betis”ə hücumdakı imkanlarımızı qola çevirə bilmədiyimiz üçün uduzduq. Amma penalti niyə yenidən yerinə yetirilmədi? VAR qaydaları bilmədiyi üçün, yoxsa bunu etmək istəmədiyi üçün? İstəyirəm ki, məsul şəxslər bu suala cavab versinlər. Əgər VAR qaydanı bilmədiyi üçün penaltinin təkrar olunmasını istəməyibsə, vəzifəsindən getməlidir. Əgər bunu istəmədiyi üçün etməyibsə, vəziyyət daha da pisdir. Qaydanı bilmirdisə, niyə hakimi monitorun qarşısına çağırmadı? Bu, bir qədər qəribədir”.
Portuqaliyalı mütəxəssis “Real”ın məğlubiyyətini həmin epizodla əlaqələndirmədiyini də vurğulayıb:
“Biz bu epizoda görə uduzmadıq. Penalti təkrar yerinə yetirilsəydi, bəlkə də yenə qola çevirə bilməyəcəkdik. Amma “Real”ın baş məşqçisi və futbolla məşğul olan bir insan kimi bunun niyə yenidən nəzərdən keçirilmədiyini bilmək istəyirəm”.
Mourinyo Vinisiusun “Betis”lə oyunda aldığı sarı vərəqəyə də münasibət bildirib. O, komanda kapitanının hakimə yaxınlaşarkən cəzalandırılmasının səbəbini anlamadığını deyib:
“Vinisius hakimə yaxınlaşanda, hətta ona çatmamış sarı vərəqə aldı. Bunun səbəbi maraqlıdır. Bizə deyilir ki, komandanın kapitanı hakimə nəzakətlə yaxınlaşıb izahat istəyə bilər. Mən bu qərarı da anlamaq istəyirəm”.
Xatırladaq ki, "Real" - "İnter " qarşılaşması sentyabrın 10-da Bakı vaxtı ilə saat 23:00-da keçiriləcək
Evdə 100-cü qol
Son 21 mövsümdə ilk dəfə
“Bu, bəlkə də, məsuliyyətsizlikdir” - Qurban Qurbanov
"Qarabağ"a qarşı oyunumuz növbəti matçlar üçün stimuldur"
"Qarabağ"ın qələbəsindən - Video
Azərbaycan millisi Gürcüstana məğlub oldu
Tovuzda vurulan 3 qol - Video
Emreli oynadı, komandası uduzdu
Acun Ilıcalının komandası bu göstəricidə hamını geridə qoydu
Millimizin üzvü Kosovada het-trik etdi
Messinin rekorduna şərik oldu
Koxalski son dəfə Respublika Stadionunda - Video
PSV ilə oyunda zədələndi, xəstəxanaya aparıldı
Cəlal oynadı, komandası qalib gəldi
“Qarabağ” - “Araz-Naxçıvan” matçının heyətləri açıqlandı
“Mançester Yunayted” “Sabah”la oyundan əvvəl xal itirdi
39 yaşlı Ceymi Vardi İngiltərə çempionatına qayıtdı
Ronaldonun "casusluğu" gündəm oldu - Şəkil
Luis Enrikenin maaşı artırıldı
