12:14
“Qarabağ”ın hücumçusu Musa Qurbanlı UEFA Konfrans Liqasının III təsnifat mərhələsində Kiyev “Dinamo”su ilə cavab oyunundan (2:0) sonra jurnalistlərin suallarını cavablandırıb.
QOL.az xəbər verir ki, o, qələbə, komandanın son oyunlardakı çıxışı və Niderlandın “Tvente” klubu ilə keçiriləcək pley-off görüşləri barədə fikirlərini bölüşüb.
“Qalib gəldiyimizə görə çox sevinirik. İstəyirdik ki, bir qələbə qazanaq. Çünki son oyunlar bizim üçün gərgin alınmışdı. Qələbə qazana bilməmişdik. SSKA (Sofiya) ilə iki oyun 0:0 oldu, penaltilərdə məğlub olduq, sonra “Dinamo”ya da səfərdə uduzduq. Amma biz özümüzə yenə də inanırıq. Çünki çox olub ki, belə çətin anlarda xarakter göstərmişik. Düşünürdük ki, bu gün də bu xarakteri göstərib geri dönüş edə biləcəyik. Ona görə sevincliyik. İnşallah, növbəti mərhələlərdə də qələbə qazanıb əsas mərhələyə düşmək üçün oynayacağıq”.
Qurbanlı “Tvente” ilə keçiriləcək oyunlar barədə də danışıb:
“İki dəfə bu rəqiblə oynamışıq. Birində qalib gəlmişik, digərində uduzmuşuq. Qalib gəldiyimiz matçda “Qarabağ” həmin il qrupa düşməyi bacarmışdı. Bu dəfə də “Tvente”yə qalib gəlib əsas mərhələyə vəsiqə qazanmaq istəyirik. Məqsədimiz bu olacaq. İnşallah”.
Start heyətində yer almaması ilə bağlı suala isə futbolçu belə cavab verib:
“Əlbəttə, çox çalışıram və çalışacağam. Hər gün öz üzərimdə işləyirəm, inkişaf etməyə, öz oyunumun üstünə qoymağa səy göstərirəm. İnşallah, baş məşqçimiz şans verəcəyi təqdirdə maksimum özümü doğrultmağa çalışacağam, əlimdən gələni edəcəyəm. Özümə güvənirəm. İnşallah, düşünürəm ki, həm mənim üçün, həm də komandamız üçün yaxşı olacaq”.
M.Qurbanlı heyətdəki dəyişikliklərə də münasibət bildirib:
“Əlbəttə, istər-istəməz çox gedənlər və gələnlər oldu, bir qədər dəyişiklik oldu. Əvvəlcə bir az çətinliklər olar, amma düşünürəm ki, zamanla daha yaxşı olacaq”.
Qeyd edək ki, “Qarabağ” pley-off mərhələsində “Tvente” ilə qarşılaşacaq. Komandalar arasında ilk oyun avqustun 20-də, cavab görüşü isə avqustun 27-də keçiriləcək.
Azərbaycanlı futbolçudan Avroliqada möhtəşəm qol! - Video
“Qarabağ”ın pley-offdakı rəqibi dəqiqləşdi
Qurban müəllim onu sərgi eksponatına çevirib!
Mahir Emrelinin komandası da mərhələ adladı
Ayrılan kimi "Fənərbaxça"ya rəqib oldu
Ronaldo saçını narıncı rəngə boyadı - Şəkil
“Qarabağ” qalib gəlib “pley-off”a yüksəldi!
"Lester" klubu satışa çıxarıldı
Haaland 4 rekordla "Ginnesin Rekordlar Kitabı"nda
Açıqlamasına görə azarkeşlərdən üzr istədi
“Sumqayıt” onu komandada saxladı
"Bizi ciddi oynamağa məcbur etdilər"
Qurban Qurbanov Koxalskini ehtiyata göndərdi
“Qarabağ” “Dinamo”ya qarşı bu heyətlə çıxır
La Liqa matçı təxirə salındı
“APL Fantasy”də qeydiyyatdan keçənlərin sayı 10 mini ötdü!
Azərbaycan 1-ci Liqasında yeni mövsümün - Tam təqvimi
"İnter"in futbolçusu "Latsio"da
"Kəpəz"də yeni müqavilə
"Fənərbaxça"nın futbolçusu Braziliya klubuna keçir
İspaniya Superkubokunun oyunları İstanbulda
Daha bir ölkə İnfantinoya dəstəyini geri çəkdi
"Şəfa"nın 19-cu transferi fransalı oldu
Doku daha 5 il "Mançester Siti"də
La Liqada çipli toplardan istifadə olunacaq
Zidan Bartezi də milliyə gətirdi
"Araz-Naxçıvan"a qayıtdı
Mövsümün ilk turunun hakimləri müəyyənləşdi
"Kəpəz" belçikalı yarımmüdafiəçi transfer etdi
