16:17
"Sabah" UEFA Çempionlar Liqasının 2-ci təsnifat mərhələsində Finlandiyanın KuPS klubu ilə üz-üzə gələcək.
QOL.az xəbər verir ki, paytaxt təmsilçisinin baş məşqçisi Valdas Dambrauskas matçdan öncə keçirilən mətbuat konfransında komandasının hazırlıq səviyyəsi, avrokuboklardakı şansları və futbolçuların fiziki durumu danışıb:
"İlk növbədə rəqibimizə "xoş gəldiniz" demək istəyirəm. İnanıram ki, qonaqpərvərliyimizi hiss edəcəklər. Oyunçularımızın hər biri sabahkı sınağa hazırdır. Tamamilə matça köklənməliyik. Meydanda həm özümüz, həm də azarkeşlərimiz üçün oynayacağıq".
Litvalı mütəxəssis komandasının Çempionlar Liqasının əsas mərhələsinə yüksəlmək şansları barədə danışıb:
“Düşünürəm ki, bu barədə danışmaq üçün hələ tezdir. Sabahkı ev oyununda favorit olduğumuzu hesab edirəm. Amma meydançaya çıxanda bu statusu sübut etməlisən. Kağız üzərində daha güclü görünə bilərsən, lakin bunu oyunda göstərmək lazımdır. Hələ ikinci mərhələni keçməmişik, ona görə də üçüncü raund və ya sonrakı mərhələlər barədə danışmağın mənası yoxdur. İndi bütün diqqətimizi sabahkı oyuna və səfər matçına yönəltməliyik. Bu mərhələni adlasaq, növbəti mərhələ haqqında danışarıq”.
Dambrauskas komandasının hazırkı fiziki durumunu da dəyərləndirib:
“Heç kim bilmir. Bəlkə beş oyundan sonra, bəlkə on, bəlkə də on beş oyundan sonra pik formaya çatacağıq. Hər mövsüm fərqlidir, hər rəqib də özünəməxsusdur. Kimin daha yaxşı formada olması barədə danışmağın mənası yoxdur. Bizim vəzifəmiz hazırkı durumumuzu düzgün qiymətləndirmək, hansı futbolçuların daha yaxşı formada olduğunu müəyyənləşdirmək və düzgün oyun planı qurmaqdır. Sabah bizi yalnız bir oyun maraqlandırır”.
Baş məşqçi hücum xəttindəki rəqabətə də münasibət bildirib:
“Bilmirəm, burada hansı məsuliyyətdən söhbət gedir. Mənim məsuliyyətim komandanı qarşıdakı oyunda qələbəyə hazırlamaqdır. Müdafiəçilərim də var, hücumçularım da. Hər mövqedə kiminsə oynaması, kiminsə ehtiyatda qalması normaldır. Ola bilsin, tərcümə zamanı hansısa anlaşılmazlıq yaranıb. Mən həmişə komanda üçün ən yaxşı qərarı verməyə və ən hazır heyəti seçməyə çalışıram”.
O, Çempionlar Liqasının 3-cü təsnifat mərhələsində mümkün rəqiblər barədə sualı da cavablandırıb:
“Bütün diqqətimi sabahkı oyuna yönəltmişəm. Hazırda bizim üçün ən vacib məsələ budur”.
Qeyd edək ki, "Sabah" - KuPS oyunu iyulun 21-də saat 20:00-da başlayacaq.
“Trabzonspor”dan inamlı qələbə
“Yuventus”dan heç-heçə, “Bayer” qalib gəldi
La Liqada səfər azarkeşləri üçün yeni qərar
"Karvan-Yevlax" belə məğlub oldu - Video
"Beşiktaş" - "Kristal Pelas": Heyətlər
Bruno Fernandeş tənqidinə görə cəzalanacaq?
“Bavariya”nın futbolçusu sıradan çıxdı
Çempionlar Liqasında həftənin rəmzi komandası açıqlandı
UEFA-dan Fəridə Lütfəliyevaya təyinat
"Gəncəbasar"ın 7 qollu qələbəsindən - Video
Çempionlar Liqasında həftənin oyunçusu bəlli oldu
1-ci liqada 6-cı tura yekun vuruldu
Sergen Yalçın rəsmən Türkiyə millisində - Video
"Keyn İngiltərə tarixinin ən yaxşısıdır"
UEFA “Trabzonspor”u cərimələdi və cəzalandırdı
"Mançester Yunayted"dən Kerrik qərarı
"Qalatasaray" - "Fənərbaxça" matçı ona tapşırıldı
Kurtuadan yeni müqavilə açıqlaması
Mourinyo "El-Klasiko"dan danışdı
"Sabah" "Qarabağ"dan bir addım irəlidədir" - Mütəxəssis rəyi
Misli Premyer Liqası: 9-cu turun hakimləri
