"River Pleyt" 20 oyunluq cəzalana bilər

"River Pleyt" 20 oyunluq cəzalana bilər
XƏBƏR 29 İyun 2011 / 18:57 1658
-  A +

Argentinanın ən köklü klublarından olan "River Pleyt"ə 20 oyunluq cəza veriləcəyi gözlənilir. Qol.Az-ın məlumatına görə, buna "River Pleyt"in azarkeşlərinin "Belqrano" ilə "pley-off" matçından sonra etdikləri yaramazlıq səbəb olub.

"River Pleyt"in aşağı diviziona yuvarlanmasından sonra klubun azarkeşləri 50-dən çox polisi yaralamış, görüntüləri yayımlayan kameramanlara hücum çəkmiş və şəhərin küçələrini viran qoymuşdular. Bütün bunları nəzərə alan Argentina Futbol Federasiyası "River Pleyt"i 20 oyunluq doğma meydanından məhrum etməyi planlaşdırır.

Bu isə "River Pleyt"in mövsüm boyu öz meydanında oyun keçirə bilməməsi anlamına gəlir. Tarixi ərzində 33 dəfə ölkə çempionu olan "River Pleyt"in aşağı liqada çempionata mənfi xalla başlayacağı da gözlənilir.

Qeyd edək ki, "River Pleyt" tarixi ərzində ilk dəfədir ki, aşağı divizionda çıxış edəcək.

 

 

 


Son xəbərlər
10.01.26  13:12

2 ay Mbappe, 2 ay Yamal