Danius Satkus: “İnam və cəsarət “Qarabağ”ı keçməyimizə bəs edəcək”

Danius Satkus: “İnam və cəsarət “Qarabağ”ı keçməyimizə bəs edəcək”
XƏBƏR 28 İyun 2011 / 16:15 1944
-  A +

“Qarabağ güclü rəqibdir. Oyunun favoriti olsalar da, əlimizdən gələni edəcəyik. Litva kubokunun finalında “Ekranas” favorit sayılsa da, rəqibə qarşı başabaş mübarizə apardıq. “Qarabağ”la oyunda da nəinki klubumuzu, ölkəmizi də layiqincə təmsil edəcəyik”.
Qol.Az-ın məlumatına görə, bu sözləri iyunun 30-da Avroliqanın birinci təsnifat mərhələsində “Qarabağ”la qarşılaşacaq “Banqa” klubunun İdarə Heyətinin sədri Danius Satkus söyləyib. Klub rəsmisi azarkeşlərə səslənərək, onları komandaya dəstək olmağa çağırıb:
“Ümid edirik ki, oyun günü stadiona çoxlu azarkeş toplaşacaq və tribunalar ağzına qədər dolacaq. Tərəfdarlar çox gələndə, komandanın onların dəstəyini daha yaxşı hiss edir və daha inamlı oynayır”.
Sutkis “Qarabağ”ı kifayət qədər ciddi rəqib sayır: “Qarabağ”la düşdüyümüzü biləndə, başa düşdük ki, ciddi rəqiblə qarşılaşacağıq. Bu komanda artıq iki ildir ki, qrup mərhələsinin bir addımlığında büdrəyir. Əlbəttə, biz ümidimizi itirmirik. Kiçik klub olsaq da, böyük hədəflərimiz var. Mənə elə gəlir ki, inam və cəsarət “Qarabağ”ı keçməyimizə bəs edəcək. Son 5 ildə biz sübut etdik ki, ciddi turnirlərdə iştirak etməyə qadirik. Hazırda yalnız təcrübəmiz çatmır. Bunu da zamanla həll edəcəyik”.

 


Son xəbərlər