19:59
"Çox güclü rəqibə qarşı oynadıq. Amma buraxdığımız qollar əslində bir çox sualların cavabı idi. O qollar yüksək fərdi ustalıqla vuruldu ki, bu da rəqibin nə qədər güclü və keyfiyyətli olduğunu bir daha göstərir".
QOL.az "sportal.az"a istinadən xəbər verir ki, bu sözləri "Zirə"nin baş məşqçisi Rəşad Sadıqov Azərbaycan Kubokunun finalında "Sabah"la baş tutan matçdan (2:1) sonra keçirilən mətbuat konfransında deyib. Mütəxəssis oyunu belə şərh edib:
"Oyun bizim üçün çox yaxşı başladı. Erkən qol vurub fərqləndik və ilk 30-35 dəqiqə ərzində etibarlı müdafiə olunduq. Düzdür, birinci hissənin sonlarında rəqibə iki təhlükəli qol epizodu verdik, lakin o dəqiqələrə qədər bizim də kəsərli hücumlarımız və hətta ikinci qolu vurmaq imkanımız var idi. İkinci hissədə müəyyən taktiki dəyişikliklər etdik və hər şey daha etibarlı görünürdü, rəqibə yüz faizlik qol epizodu vermirdik. Lakin məhz o dəqiqələrdə rəqibin fantastik qoluna şahid olduq. Hesab bərabərləşdikdən sonra hücumda fəallaşmağa çalışsaq da, ikinci qolu əks-hücumda buraxdıq. Futbolçularıma təşəkkür edirəm".
- Erkən dəqiqələrdə Qismət Alıyevin sarı vərəqə alması oyuna nə dərəcədə təsir etdi?
- Həmin epizodu görməmişəm və ümumiyyətlə, hakimlikdən danışmaq istəmirəm. Rəqibi qələbə münasibətilə təbrik edirəm. Yaxşı və layiqli qələbə qazandılar, qızıl dubl etmək üçün əllərində yaxşı fürsət var idi.
- Oyun müəyyən dərəcədə "Zirə"nin futbolçularına psixoloji təsir etməlidir. Çempionatda hələ heç nə bitməyib. Yoxsa, başqa cür düşünürsünüz?
- Başqa cür düşünmürük, sona qədər mübarizəmizi aparacağıq. Başa düşürük ki, rəqib hazırda bizdən üç xal öndədir və bizi "Araz-Naxçıvan" və "Sumqayıt"la çox ağır oyunlar gözləyir. Özümüzdə güc tapıb, çempionatın son saniyəsinə qədər vuruşmağa çalışacağıq.
- Artıq üç finalda uduzmusunuz. Daha yüksək büdcəli, daha güclü klubla fərqli nəticələr qazana bilərdi Rəşad Sadıqov?
- Onu əvvəlcədən demək olmaz. Ola bilərdi ki, biz güclü olardıq, istədiyimizi edə bilməzdik. Lakin hər üç finala diqqətlə baxsanız, bəzi kiçik detallar uğurlu getsəydi, bəlkə də üçündə də biz qalib olardıq. Finalların arasında oxşar məqamlar var. Buna rəğmən 12 yarışdan 6-da mükafatlar uğrunda mübarizə aparmışıq. Bu 6 il qürurvericidir və futbolçularımla fəxr edirəm. Bəli, bu gün ortada titul yoxdur, amma başa düşməliyik ki, titul qazanmaq üçün daha çox şeyə ehtiyac var".
"Arsenal"a keçə bilər
Azərbaycan millisi Maltaya uduzdu
FİFA "pulsuz" satılan biletlərin ödənişini tələb edir
Slot London klubunun təklifini rədd etdi
Azərbaycan klublarının yay transferləri - Yenilənir
Xəyal Əliyev zədələndi, meydanı xərəkdə tərk etdi - Video
Sadıq Sadıqov dünyasını dəyişdi
"Şamaxı" onu da yola saldı
Mbappe artıq ən bahalı futbolçu deyil
Azərbaycan - Malta: Heyətlər
DÇ-2026-nın "ölüm qrupu"nda hansı ölkələr var?
Messi və Son Hın Min eyni komandada
Azərbaycan millisi Macarıstana uduzdu
"Yeni transferlər olacaq" - Zaur Həşimov
Millinin futbolçuları arasında gərginlik - Şəkil
"Neymar sabah müayinədən keçəcək"
"Real" aşağı liqaya düşən klubun futbolçusuna göz dikdi
Misli Premyer Liqası klublarına nə qədər ödəniş ediləcək?
“Şəfa” yeni baş məşqçisini açıqladı - Şəkillər
"Liverpul"dan ayrılan futbolçu "Tottenhem"də - Rəsmi
