22:04
"Bakı" klubunun vitse-prezidenti Zeynal Məmmədov klubun rəsmi saytına müsahibə verib. Qol.Az-ın məlumatına görə, Məmmədov ötən mövsüm və klubun gələcək planları haqda fikirlərini bölüşüb:
"Ötən mövsüm Avroliqadakı uğursuzluqla başladı və bu uğursuzluq çempionatda da davam etdi. Avroliqada hər iki oyunda qalib gəlməyimizə baxmayaraq, mərhələ adlaya bilmədik və bu komandaya pis təsir etdi. Bunun ardından çempionat oyunları başladı.
Mövsümə alman baş məşqçi Vinfrid Şeferlə başladıq və onun qarşısına minimum olaraq Avroliqaya vəsiqə qazanmaq vəzifəsini qoyuldu. Ancaq buna nail olmadıq. Bu uğursuzluqda tək məşqçini günahlandırmaq olmaz, burada rəhbərlikdən futbolçulara qədər hamımızın günahı var.
Yeni mövsümdən tam fərqli “Bakı” görəcəksiniz. Mövsümə gənc futbolçuların əsas komandaya cəlb olunması ilə start verdik. Baş məşqçimizin istəyi ilə əvəzedici komandanın beş futbolçusu əsas komandaya gətirilib. Bundan əlavə milli komandamızın üzvü Elvin Məmmədovu və gənc futbolçu Novruz Məmmədovu komandanın heyətinə cəlb etdik.
İnfrastruktur baxımından önəmli addım attıq. Klubun bazası tikilib, istifadəyə verilib. Əsas məqsəd burada yaxşı futbolçular yetişdirməkdir. İstəyimiz budur ki, gələcəkdə əsas komandada 2-3 leginer oynasın. Qalan futbolçular isə öz yetirmələrimiz olsun. 3-4 ildir ki, bu istiqamətdə işlər aparırıq və inanırıq ki, 4-5 il ərzində istəyimizə çatacayıq. Bu məqsədlə gərək öz yetirmələrimizə gənclərə inanaq, onlara oyunlarda şans verək.
Yeni mövsümdə uğursuzluğu yaddan çıxarıb, irəli baxmalıyıq. “Bakı”nın böyük perspektivləri var və biz gələcəyin komandasını qururuq. “Bakı” gələcəyi fikirləşir və uşaq futboluna böyük diqqət ayrılır. Gələcəkdə hər istiqamətdə uğurlu olması üçün indidən işlərimizi düzgün qurmalıyıq".
İspaniya Belçikaya qarşı
Kuansaya 2 oyunluq cəza, yarımfinalı buraxacaq
"Qarabağ"ın bizə 10 qol vuracağını gözləyirdilər"
"Barselona"nın yetirməsi "Kristal Pelas"da
"Qarabağ"dan böyükhesablı qələbə
Karim Rossi “Qəbələ”də
"Şamaxı"dan yeni transfer
"İnter"in hədəfinə düşdü
Əlcəzair millisində gərginlik davam edir
"Kəpəz" onu da göndərdi
“Sumqayıt”a yeni baş məşqçi təyin edildi
Almanlar Kloppa nə qədər maaş təklif edib?
Mərakeş qalib olsa, yarımfinala itkilərlə gedə bilər
İsveçrədən Argentina matçına görə xüsusi məşq
"Arsenal"dan yeni transfer
Dünya Çempionatı 2026
Xəbərlər
Təqvim
Cədvəl