19:24
UEFA Çempionlar Liqasının Liqa mərhələsində “Qarabağ”ın rəqibi olan klublardan beşi şənbə günü ölkə çempionatında növbəti matçını keçirib.
QOL.az xəbər verir ki, “Kopenhagen” Danimarka çempionatının 8-ci turunda “Bröndbyu”nun qonağı olub. Matç “Kopenhagen”in 1:2 hesablı məğlubiyyəti ilə başa çatıb. Komandanın heyətində yeganə qolu Mohamed Elyounoussi vurub. Uduzmağına baxmayaraq, “Kopenhagen” 8 oyundan 16 xal toplamaqla çempionatda liderdir.
“Atletik Bilbao” da turu xalsız başa vurub. Bask təmsilçisi La Liqanın dördüncü turunda öz meydanında “Alaves”ə uduzub - 0:1. Mövsümdə ilk məğlubiyyətini alan Bilbao klubu hazırda 9 xalla İspaniya çempionatında ikinci yeri tutur.
“Kopenhagen” və “Atletik Bilbao”dan fərqli olaraq “Napoli” turu qələbə ilə başa vurub. Neapol təmsilçisi İtaliya A seriyasının üçüncü turunda səfərdə “Fiorentina”dan üstün olub - 3:1. Neapolluların heyətində Kevin de Brüyne, Rasmus Hoylund və Sam Beukema fərqlənib. 3 turdan sonra maksimum xal toplayan “Napoli” İtaliya çempionatının lideridir.
“Ayaks” da turu 3:1 hesablı qələbə ilə başa vurub. Amsterdam klubu Niderland çempionatının 5-ci turunda “Zvolle”dən üstün olub. “Ayaks”a qələbə gətirən qolları Devi Klaassen və Mika Qodts (2 qol) vurub. 5 turdan 11 xal toplayan paytaxt təmsilçisi Niderland çempionatında üçüncü yerdə qərarlaşıb.
“Qarabağ”ın 5 rəqibindən yalnız “Çelsi” turu heç-heçə ilə başa vurub. Premyer Liqanın 4-cü turu çərçivəsində səfərdə “Brentford”un qonağı olan “zədaganlar” meydandan 2:2-lik bərabərliklə ayrılıblar. “Çelsi”nin heyətində Kol Palmer və Moizes Keysedo fərqlənib. 4 turdan sonra 8 xalı olan London klubu turnir cədvəlində beşincidir.
"Liverpul"da qala bilər
"Tottenhem"dən "Portu"ya
“Sabah” yeni oyunçu alır
"Zirə"ni liderliyə yüksəldən matçından - Video
"Həmin qol olmasaydı..." - Yuri Vernidub
Tovuzlu azarkeşlər Berdıyevi istefaya səslədilər
"Beşiktaş" onu göndərdi
"Zirə" "Neftçi"yə qalib gəldi, lider oldu
“Real” “Malaqa”nı darmadağın etdi
"Kəpəz"in doğma meydana qayıdış qələbəsindən - Video
"İstefa çağırışları məni narahat etmir" - Kurban Berdiyev
3 il gözlədi, geri dönüşünü qolla qeyd etdi
Benzema ərəb klubundan gedir?
