Belçika ilə matç Quus Hiddinkin son oyunu ola bilər

Belçika ilə matç Quus Hiddinkin son oyunu ola bilər
XƏBƏR 24 May 2011 / 16:57 1991
-  A +

AÇ-2012-nin seçmə mərhələsində yığmamızın rəqiblərindən olan Türkiyə millisi iyunun 3-də səfərdə Belçika ilə qarşılaşacaq. Qol.Az-ın Türkiyənin "İnternetspor" saytına istinadən verdiyi məlumata görə, bu matç Türkiyə milli komandasının baş məşqçisi Quus Hiddink üçün son oyun ola bilər.

Buna səbəb kimi isə "Çelsi" klubunun sahibi Roman Abramoviçin Hiddinki yenidən Londona gətirmək istəyi göstərilir. Bir neçə gün öncə baş məşqçi Karlo Ançelotti ilə yollarını ayıran "Çelsi" rəhbərliyi bu postu yenidən Hiddinkə həvale etmək niyyətindədir.

Lakin Türkiyə millisi ilə 1 il daha müqaviləsi qalan Hiddinkin bu keçidi hələlik inandırıcı görünmür. Bununla belə, Türkiyə yığması səfərdə Belçikaya məğlub olarsa, bu Hiddinkin gedişini bir qədər tezləşdirə bilər.
Çünki növbəti məğlubiyyət artıq bütün Türkiyə camiasının da səbr kasasını daşıracaq ki, bu da Hiddinkin yığmadan getməsi ilə nəticələnə bilər. Bu məsələyə isə iyunun 3-dən sonra aydınlıq gələcək.        


Son xəbərlər