"Hər mövqedə çatışmazlıqlar var" - Adil Şükürov

"Hər mövqedə çatışmazlıqlar var" - Adil Şükürov
ÖLKƏ FUTBOLU 1 Avqust 2025 / 09:17 1388
-  A +

"Kəpəz"in baş məşqçisi Adil Şükürov "Sumqayıt"la yoxlama oyunu ilə bağlı fikirlərini bölüşüb.

QOL.az xəbər verir ki, o, klubun mətbuat xidmətinə açıqlamasında 1:2 hesablı məğlubiyyəti belə şərh edib:

"Uşaqlar yorğunluq fonunda mübarizə apardılar. Məşqlərdə fiziki çox yüklənirlər. Ona görə matçda da yükləmə altında oynadılar. Müdafiədə xırda səhvlər səbəbindən qollar buraxdıq. Epizodlarda  bir az düzgün, dəqiq olsaydıq, belə səhvlər olmazdı".

A.Şükürov yeni transferlərə ehtiyac olduğunu da bildirib: "Hər mövqedə çatışmazlıqlar var. Danışıqlar gedir, transferlərimiz gələndən sonra daha yaxşı formalaşmış komanda görəcəyik. Heyət komplektləşmədiyindən bəzi futbolçuları məcburiyyətdən öz mövqelərində oynada bilmirik. Bu da komandanın oyununa öz təsirini göstərir. Oyunçular doğma mövqelərində çıxış etməyə başladıqdan sonra daha mübariz, nəticəli komanda olacağıq".

Daha çox


Son xəbərlər