"Real"ı tərk etmək niyyətim yoxdur"

"Real"ı tərk etmək niyyətim yoxdur"
XƏBƏR 19 May 2011 / 12:01 1947
-  A +

"Real" (Madrid) klubunun braziliyalı yarımmüdafiəçisi Kaka son zamanlar onun komandadan ayrılacağı haqda gəzən söz-söhbətə aydınlıq gətirib. Qol.Az-ın məlumatına görə, daha çox "Çelsi" ilə adı hallanan Kaka "Real"ı tərk etmək istəmədiyini və Madriddə qalacağını bildirib.

"Gələn mövsüm də "Real"da qalmaq və bu komandada oynamaq istəyirəm. Hazırda nə Premyer Liqa, nə Braziliya, nə də İtaliyaya getmək haqda düşünürəm. Sadəcə "Real"da qalaraq əvvəlki formamı bərpa etmək istəyirəm. Lakin bunun üçün bir qədər zamana ehtiyacım var. İnanıram ki, azarkeşlər yenidən əvvəlki Kakanı görəcəklər".

Qeyd edək ki, 2009-cu ildən "Real"ın şərəfini qoruyan Kaka meydana çıxdığı 38 oyunda 15 dəfə fərqlənib.


Son xəbərlər