08.05.20
Sosial şəbəkələrdə maraqlı bir şəkil paylaşılıb və orada Rəşad Sadıqovla Robert Levandovski top uğrunda mübarizə apardığı əsk olunub. Bu şəkil bizi düz 15 il əvvələ aparıb çıxarır.
Dortmundun fantastik azarkeş dəstəyinə malik "Siqnal İduna Park" stadionunda yerli "Borussiya" Azərbaycan təmsilçisi "Qarabağ"ı qəbul edir. Avropa Liqasının pley-off mərhələsinin ilk oyunudur.
2010-cu ilin 19 avqustu. "Lex"dən ayrılan Robert Levandovski (o vaxt 22 yaşı vardı) "Borussiya"ya yenicə transfer olunub. Bu, onun legioner kimi addım atdığı ilk klubdur. Yəni Robertin gələcək böyük Avropa karyerası məhz "Borussiya"dan başlayır və təsadüfdən, avrokubokda ilk rəqib məhz bizim "Qarabağ"dır.
Ağdam təmsilçisi ilə görüş Levandovskinin Dortmundda avrokubokdakı rəsmi debütü olur. O, bu matçda cəmi 20 dəqiqə iştirak edir. Baş məşqçi Yurgen Klopp polşalı futbolçusuna hələlik az şans verir. Amma daha çox oyun şansı, daha çox qol hələ qarşıdakı aylarda, illərdə olacaq: "Borussiya"da, "Bavariya"da, "Barselona"da...
Bu şəklin çəkildiyi matçda isə "Borussiya" "Qarabağ"a 4:0, bir həftə sonra Bakıdakı görüşdə 1:0 hesabı ilə qalib gələrək qrup mərhələsinə adlayır. Levandovski Azərbaycandakı oyunda 29 dəqiqə meydanda olur. O, hər iki görüşdə sonradan oyuna girir, amma qol vura bilmir.
"Qarabağ"a gəlincə, Qurban Qurbanov komandası uduzsa da, dalbadal 2 dəfə Avroliqada təsnifat mərhələsinin "pley-off"una vəsiqə qazanan ilk Azərbaycan komandası olur. Lakin bir neçə il sonra "Qarabağ" Qurbanovun baş məşqçliyi, Rəşad Sadıqovun isə kapitanlığı ilə Avropa Liqasının daimi qrup iştirakçısına çevrilir, 1 dəfə isə ÇL-in qrupunda oynayır...
"Qarabağ"ın Avropaliqada final mərhələsinin "pley-off"una adladığı illər də olur. Lakin onda Rəşad Sadıqov artıq futbolçu karyerasını başa vurmuşdu və indi baş məşqçidir. 36 yaşlı Levandovski isə karyerasını indi də "Barselona"da davam etdirir...
Onların bir daha yaşıl meydanda məşqçi-futbolçu, məşqçi-məşqçi kimi üz-üzə gəlib-gəlməyəcəyini isə artıq zaman göstərər.
ELNUR,
QOL.az
"Fənərbaxça"nın futbolçusu vətəninə qayıdır
"Yeni mövsümdə hər şey gözlənilir" - Qurban Qurbanov
Levandovski qoruyucu maskada məşqlərə başladı
“Qarabağ”ın oyununda gözlənilməz hadisə - Video
Addainin dublu, "Qarabağ"ın inamlı qələbəsi - Video
Baş məşqçi hakimlərlə münaqişəyə görə cəzalana bilər
Premyer Liqanın ən çox ötürmə edən oyunçuları bəlli oldu
“Qarabağ” dramatik sonluqla yarımfinalda
"Bavariya" və Laymer arasında danışıqlar dayandırıldı
Neymar yenidən millidə oynaya bilər
Finallissima matçı harada baş tutacaq?
Hardadır bu gün o 30 min tamaşaçı? - Video
Rəqibi təhqir etdi, 6 oyunluq diskvalifikasiya olundu
Hakim qərarlarına görə liqanı tərk etdilər
Ronaldo sıradan çıxdı
"Onlar uduzmuş ölkədir, uçuruma doğru gedirlər"
"Qarabağ" - "Şamaxı": Heyətlər
Milliyə kimlər çağırıldı?
2-ci liqada 16-cı tura yekun vuruldu
19 yaşlı azərbaycanlı Kipr klubunun transfer hədəfində
Asensio heyətdən kənarda qaldı
“Araz-Naxçıvan”ın akademiyasında görüş keçirilib
"Ümid edirəm ki, ÇL-in 1/4 finalında qarşılaşacağıq"
"Barselona"da itkilər
"Qarabağ"ın maraq dairəsində olan 16 yaşlı futbolçu kimdir?
Baş məşqçisi Traoreyə əzələ yığmağı qadağan edib
FİFA DÇ-2026-nın afişasını təqdim etdi - Şəkil
"Zirə"nin kapitanı üçün yubiley oyunu
"Sabah" PSJ-nin qapıçısını transfer edir
