"Xəzər Lənkəran" - "Qarabağ": 20-ci duel

Ağdamın "Qarabağ" klubu sabah vacib görüşdə "Xəzər Lənkəran"la qarşılaşacaq. Qol.Az-ın məlumatına görə, 2-ci yer uğrunda mübarizə aparan rəqiblər cari mövsüm 4-cü dəfə üz-üzə gələcəklər.

Ümumiyyətlə, Lənkərandakı görüş tərəflərin çempionatda sayca 18-ci qarşılaşması olacaq. Daha 2 görüşün də kubok çərçivəsində baş tutduğunu nəzərə alsaq, bu oyunun yubiley - 20-ci olduğunu görərik.

"Xəzər Lənkəran"  - "Qarabağ" oyunu haqda ümumi statistikanı təqdim edirik:
 

-İndiyə kimi tərəflərin 19 oyunu baş tutub. 17 görüş çempionatda, 2 görüş isə kubokda

-17 görüşdə "Qarabağ" 8 qələbə qazanıb, 7 dəfə "Xəzər Lənkəran" 3 xala sevinib.

- Heç-heçəni sevməyən tərəflərin qarşıdurmasında cəmi 2 bərabərlik qeydə alınıb.

- Maraqlıdı ki, hər 2 oyunda qol vurulmayıb. Tərəflərin sonuncu oyununda məhz 2 haldan biri baş tutub.

- İqor Ponomaryov və Rasim Kara hər 2 iki komandanın baş məşqçisi olub. Ponomaryovlu "Qarabağ" məhz Karanın "Xəzər Lənkəran"na qarşı oynayıb. İlk çempionatda tərəflər hərəyə bir qələbə qazanıb.

- Rasim Karanın başçılığı altında "Qarabağ"ın "Xəzər Lənkəran"la görüşlərdə 2 məğlubiyyət 1 qələbəsi var.

- 2008/09 mövsümündə isə "Qarabağ" bu dəfə Qurban Qurbanovun başçılığı altında Karanın "Xəzər Lənkəran"la qarşılaşıb və ilk səfər qələbəsi reallaşıb, 1:3.

- Ağasəlim Mircavadov da hər 2 komanda da baş məşqçi kimi çalışsa da, "Qarabağ"ın başındaykən "Xəzər Lənkəran"a qarşı oynamayıb.

- Tərəflərin ilk dörd duelində ev sahibləri rəqiblərinə qələbə sevinci yaşatmayıb.

- 2006/07 mövsümündə isə "Xəzər Lənkəran" Suraxanıda qələbə qazanmaqla bu seriyanı dayandırıb.

- Ən uzun qələbə seriyası isə "Qarabağ"a məxsusdur. 2008 və 2009-cu illərdə keçirilən 4 qarışlamada "Qarabağ" qalib tərəf olub.

- Kubokda tərəflər hərəyə bir qələbə qazanıb. 2009-2010 mövsümündə 1/4 finalda  "Qarabağ" evdə 2:1 qalib gəlsə də, cənublular cavab görüşündə 1:0-lıq qələbə ilə mərhələ adlayıblar.

- Çempionatlarda "Qarabağ" rəqibinə 18 dəfə, "Xəzər Lənkəran" isə 21 dəfə "Qarabağ"a qol vurub.

- Tərəflər ümumilikdə 43 qol vurublar. Yerli futbolçular 27, əcnəbilər isə 16 dəfə fərqləniblər.

- Tərəflərin duelində ilk qolu 2004/05 mövsümündə Vadim Vasilyev vurub.

- Maraqlıdı ki, 2004-cü ilin dekabrın 12-də baş tutmuş ilk görüşdə meydana çıxan Aslan Kərimov, Samir Abasov, Vüqar Nadirov indi də "Qarabağ"ın formasını geyinir. "Xəzər Lənkəran"da isə həmin oyunda tər tökmüş Alim Qurbanov 7 il sonra eyni komandanın şərəfini qoruyur.

- 19 qarşılaşmada tərəflər hərəyə 1 dəfə penaltidən vurulmuş qola seviniblər.

- Duellər tarixində ən çox qolu Samir Əliyev ("Xəzər Lənkəran") və Rauf Əliyev ("Qarabağ") vurub.

- Hər 2 forvardın hesabında 4 qol var. Samirdən fərqli Rauf hazırda "Qarabağ"ın şərəfini qoruyur.

- Rauf  derbidə "Qarabağ"da dubl edən yeganə futbolçudur. "Xəzər Lənkəran"da isə Samir Əliyev, Entomoa və Zaur Ramazanov bunu bacarıb.

- Zaur Ramazanov hər 2 komandanın heyətində qol vuran yeganə futbolçudur.

- Hazırda "Qarabağ"ın formasında çıxış edən Zaur Həşimov və Rəşad Kərimov, "Xəzər Lənkəran"da isə Elnur Allahverdiyev, Şəhriyar Xəlilov, Alim Qurbanov əks düşərgədə forma geyinib.

- Zaur "Qarabağ", Alim isə "Xəzər Lənkəran" formasında sabiq komandasını məyus edib.

 

"Qarabağ"  - "Xəzər Lənkəran" duellərində bütün oyunlar və qollar

2004-05  

Ev:  3:1 (Vadim Vasilyev, 16. Samir Abasov, 18. Samir Musayev, 51 – Samir Əliyev, 21)

səfər: 0:3 (Samir Əliyev 34, 43. Rəşad Abdullayev, 74)

Mənbə: "Qarabağ"ın rəsmi saytı
2005-06  

Ev:  2:1 (Müşfiq Hüseynov,  4. Samir Musayev, 29 p. – Samir Əliyev, 64)

Səfər: 0:2 (Alim Qurbanov, 54. Robert İlyeş, 73)

2006-07

Ev:  1:4 (Kənan Kərimov, 25 -  Zaur Ramazanov, 29, 38. Edmond Entomoa, 42, 68)

Səfər: 0:2 (Rəşad Abdullayev, 60. Xorxe Diaz, 80)

2007-08

Ev:  2:0 (Vaqif Cavadov, 6. Zaur Həşimov, 19)

Səfər: 0:2 (Elmar Baxşiyev, 36. Juninyo, 61)

2008-09

Ev:  1:0 (Artim Şakiri, 85)

Səfər: 3:1 (Vaqif Cavadov, 54. Zaur Ramazanov, 68. Sedat Saini, 81  - Mario Souza, 90+3)

 
2009-10

Ev:  1:0 (Rauf Əliyev, 86)

Səfər: 0:0

Ev:  2:1 (Rəşad Sadıqov, 23. Rauf Əliyev, 35 - Mario Souza, 65)   (Final mərhələsi)

Səfər:1:2 (Georgi Adamiya, 62 -  Svetkov, 45 p. Mario Souza, 54)  (Final mərhələsi)

2009-10 (k)

Ev:  2:1 (Rəşad Sadıqov, 59. Admir Teli, 90+3 – Opara, 20)

Səfər: 0:1 (Kabral, 15)

2010-11

Ev:  0:1 (Arbanas, 66)

Səfər: 2:1 (Rauf Əliyev 4, 75 – Alim Qurbanov,11)

Ev:  0:0

Səfər: -                                                                             (Final mərhələsi)