22:23
“Çətin oyun keçdi. Çalışdıq ki, yaxşı nəticə qazanaq. Lakin hücumda istədiklərimiz alınmadı”.
QOL.az saytına açıqlamasında bu sözləri “Zirə”nin yarımmüdafiəçisi Rüstəm Əhmədzadə Azərbaycan kubokunun 1/4 final mərhələsinin ilk oyunu çərçivəsində “Araz-Naxçıvan”a 0:1 hesabı ilə uduzduqları görüş barədə danışarkən deyib.
O, məğlubiyyətin səbəbini belə izah edib: “Rəqib qapısı qarşısında təhlükəli epizodlar yarada bilmədik. Ümumilikdə qol şansları elə də çox deyildi. Rəqib penaltidən fərqləndi. Düzdür, məğlub olduq, lakin qarşıda hələ cavab oyunu var”.
24 yaşlı futbolçu artıq növbəti görüşləri düşünməli olduqlarını bildirib: “Təbii ki, məğlubiyyət hər zaman üzücüdür. Lakin əldən heç nə gəlmir. Qarşıdakı matçlara hazırlaşmalıyıq”.
R.Əhmədzadə yarımfinala adlamaq şanslarının heç də az olmadığını vurğulayıb: “Hazırda minimal üstünlük “Araz-Naxçıvan”ın tərəfindədir. Lakin mərhələ adlamaq şansımız az deyil. Cavab oyununda hər şey mümkündür”.
O qeyd edib ki, “Zirə” üçün avrokuboklara yollanmaq baxımından hər iki turnir önəmlidir: “Həm çempionatda, həm də kubokda iddiamızı davam etdiririk. Sona qədər mübarizə aparacağıq. Biz hər iki yarışda uğur qazanmaq istəyirik. Lakin necə olacağını zaman göstərəcək”.
"Karvan"da iki ayrılıq
Ronaldonun növbəti uğuru
"Çoxdandır ki, millidə bu ruh görünmürdü" - Ayxan Abbasov
U-21 yığmamızın Bolqarıstanla oyunundan - Video
Azərbaycan millisi DÇ-2026-da ilk xalını qazandı
Azərbaycan millisində tarixi rekord!
Rüdiger və Alabanı kim əvəz edəcək?
U-21 yığmamız Bolqarıstanla bərabərə qaldı
Ançelotti Rafinyaya istirahət verə bilər
“Fənərbaxça” yeni baş məşqçisini rəsmən açıqladı - Yenilənib
Azərbaycan - Ukrayna: Heyətlər
