20:31
Xəbər verdiyimiz kimi, xarici mətbuatda "Qarabağ"ın hücumçusu Olavio Juninyonun son anda İspaniyanın "Sevilya" klubuna keçməkdən imtina etdiyi barədə məlumatlar yayılıb. Onun karyerasını ölkəsinin "Flamenqo" klubunda davam etdirmək istədiyi bildirilib.
"Qarabağ"ın İdarə Heyətinin üzvü Asif Əsgərov məsələ ilə bağlı QOL.az saytına açıqlama verib.
O, Juninyo ilə bir neçə klubun yaxından maraqlandığını söyləyib: “Juninyo ilə bir neçə klub maraqlanır. Klublar həm bizimlə, həm də Juninyonun meneceri ilə danışıqlar aparırlar. Juninyonun transferi təkcə onun qərarı ilə həll olunacaq məsələ deyil".
A.Əsgərov 28 yaşlı hücumçunun "Sevilya"ya keçməkdən imtina etməsi haqda xəbərlərə belə münasibət bildirib: "Desək ki, Juninyo “Sevilya”ya keçməkdən imtina edib, düzgün olmaz. Bunu o vaxt deyə bilərik ki, hər üç tərəf razılaşaraq, müqavilə imzalasın, oyunçu isə başqa komandaya keçsin. Sadəcə belədir ki, danışıqlar uzandıqca bir klubun mövqeyi güclənir, digəri isə zəifləyir. Amma bu o demək deyil ki, bir klubun təklifi digərindən zəifdir. İndi vəziyyət elədir ki, hər an hər şey dəyişə bilər. Danışıqların yekunlaşması o deməkdir ki, məsələdə üçtərəfli müqavilə imzalansın. Hazırki durumda isə konkret nəsə yoxdur. Danışıqların növbəti mərhələsindəyik. Yaxın günlərdə hadisələrin inkişafı, danışıqların istiqaməti aydınlaşacaq”.
Xatırladaq ki, Juninyonun "Qarabağ"la müqaviləsi 2028-cı ilin iyununa qədərdir. 28 yaşlı hücumçu Ağdam klubuna 2023-cü ilin yayında "Çavez"dən (Portuqaliya) transfer olunub.
Messidən unikal rekord
"Sabah" hücumçu aldı
ÇL-də gecənin nəticələri
Hakimlər komitəsindən Mourinyoya cavab gəldi
Çempionlar Liqasında Liqa mərhələsinə start verildi
“Kür-Araz" - "Şəki" matçında 3 qol - Video
“Barselona” ilə oyunu buraxacaq
"Aston Villa"nın qolsuzluq seriyası uzun çəkmədi
ÇL matçının mətbuat konfransı ləğv olundu
Azərbaycan millisi dünya çempionatına hazırlaşır
"Çempion olsaq da, maaş almırdıq"
2-ci liqada 2-ci tura yekun vuruldu
"Qarabağ"a baxıb xəyal edirdik, indi gerçəkləşir"
İlin ən yaxşı futbolçusu adına namizədlər açıqlandı
2-ci liqada 2 turun təqvimi açıqlandı
“Karvan-Yevlax” koreyalı futbolçu transfer etdi
İlin ən yaxşı gənc futbolçusu adına namizədlər
