21:08
“Toplanışa təzə başlamışıq. İndi daha çox fiziki məşqlər edirik. Çünki ilk dövrədə fiziki baxımdan böyük problemlərimiz var idi. Çalışırıq ki, bunun qarşısını alaq. İnşallah, mövsümün ikinci yarısında fiziki baxımdan yaxşı olarıq. Oyunumuz daha yaxşı alınacaq”.
QOL.az xəbər verir ki, bu sözləri “Neftçi”nin futbolçusu Emin Mahmudov klubun mətbuat xidmətinə açıqlamasında deyib. O, komandasının təlim-məşq toplanışı, özünün hazırkı forması haqqında danışıb.
32 yaşlı yarımmüdafiəçi zədədən qayıtmasından söz açıb: “Zədədən sonra bərpa prosesi bir az uzun çəkdi. Çünki mən elə bilirdim ki, 1-2 həftədən sonra komanda ilə məşqlərə başlayacağam. Amma bir az problemlər üzə çıxdı. Həm məşqlər, həm də oyunlar üçün çox darıxmışam. Çalışacağam ki, formamı tez bərpa edim və komandama kömək edim”.
E.Mahmudov Misli Premyer Liqasının 19-cu turunda "Sabah"a qarşı keçirəcəkləri matç barədə fikirlərini də bölüşüb: “Sabah”la oyunumuza 2 həftə qalıb. Fiziki və taktiki baxımdan hazır olmaq üçün çalışırıq. Mövsümün 2-ci hissəsini daha yaxşı keçirməliyik. Çünki Azərbaycan kubokunda da oyunlarımız var. Ümid edirəm ki, yaxşı nəticələr qazanacağıq”.
Qeyd edək ki, E.Mahmudov cari mövsüm Misli Premyer Liqasında 10 oyuna çıxıb və 2 qolun ötürməsini verib.
"Real"ı xuliqan adlandırdı
"Arsenal"ın transfer hədəfi bəlli oldu
"Olmonun qeydiyyat prosesi transferlərə təsir ola bilər"
Neymar: "Üçlüyü qaytarmaq istəyirəm"
“Qarabağ”ın iki oyununa azarkeşlər buraxılmayacaqlar
Hidayət Heydərov ikinci, Riçard Trautman birincidir
UEFA Mbappeyə görə PSJ-yə sanksiya tətbiq edə bilər
İlon Mask "Liverpul"u alır?
1 ildən sonra yenidən “Real”ın heyətində
Azərbaycan Premyer Liqasında daha bir legioner
"Qalatasaray" iki futbolçusu ilə müqaviləni uzatdı
