19:35
“Turan Tovuz”un kapitanı Şəhriyar Əliyevin QOL.az saytına müsahibəsi
- İlin son oyununda “Neftçi” ilə bərabərə qaldınız. 1:1 hesablı heç-heçə haqda nə deyə bilərsiniz?
- Oyunun çətin keçəcəyini bilirdik. “Neftçi” bu vəziyyətdən çıxmaq istəyir. Ona görə də bizi ağır bir qarşılaşma gözləyirdi. Birinci hissədə zəif çıxış etdik. Rəqibin bir şansı oldu, ondan da istifadə etdi. Fasilədən sonra üstünlük tamamilə bizim tərəfimizdə idi. Heyf ki, qələbə qolunu vura bilmədik. Belə oyunda xal itirdiyimiz üçün təəssüflənirik.
- Mövsümün ilk hissəsi geridə qaldı. İlk 18 turu “Turan Tovuz” üçün necə qiymətləndirmək olar?
- Düzdür, qış fasiləsinə ilk üçlükdə yollandıq. Bu, pis nəticə deyil. Amma xallarımızın sayı daha da çox ola bilərdi. Bəzi matçlarda lazımsız xallar itirdik. Çalıcağıq ki, qış fasiləsindən sonra daha yaxşı çıxış edək.
- İlk iki dövrədə cəmi iki matçda məğlub oldunuz və maraqlıdır ki, hər ikisi də “Araz-Naxçıvan”a...
- Bəli, “Araz-Naxçıvan”a hər iki oyunda uduzduq. “Araz-Naxçıvan” elə komandadır ki, onlarla matçda gərək səhvə yol verməyəsən. Bir şans olan kimi, dərhal ondan maksimum yararlanırlar.
- Qarşıdakı iki dövrədən gözləntiləriniz nədir?
- Bizi qarşıda iki çətin və gərgin dövrə gözləyir. Mövsümün qalan hissəsi çox çətin keçəcək. Bu, artıq həlledici mərhələ olacaq. Ona görə də gərginlik daha da artacaq. Çalışacağıq ki, ilk iki dövrədə etdiyimiz səhvləri təkrarlamayaq. Əlimizdən gələni edəcəyik ki, daha yaxşı təsir bağışlayaq.
- Hazırda lider “Qarabağ”dan 15, ikinci pillədəki “Araz-Naxçıvan”dan 7 xal geri qalırsınız. Bu xal fərqini azaltmaq mümkündür, yoxsa elə üçüncü yer komandanızı qane edəcək?
- Futbolda hər bir nəticə mümkündür. Lakin indidən hansısa yer, yaxud xal sayı barədə düşünmürük. Hər şeyi son 2 dövrə göstərəcək.
- Fasilə müddətinin az olması planlarınıza nə dərəcədə təsir edəcək?
- Baş məşqçimiz bildirdi ki, ilk növbədə istirahət etməliyik. Daha sonra yaxşı təlim-məşq toplanışı keçəcəyik. İnanıram ki, fasilə müddətində heyətimiz daha da güclənəcək və mövsümün qalan hissəsində daha yaxşı çıxış edəcəyik.
Mançini peşmandır
“Neftçi”dən antirekord
Mourinyoya nə olub?
9 qol vuruldu, "Liverpul" qalib gəldi
"Real" 2-ci yerə 4 qolla yüksəldi
Osimhen və Barış Alper yenidən səhnədə - Video
Reşford niyə üç oyundur heyətdə yer almır?
"Real"dan Alaba ilə bağlı açıqlama
2:0, gülən üzlər və 8 xallıq fərq… - Şəkillər
Klub prezidenti istefa verdi
Azərbaycanda ilin futbolçusu kimdir? - Qurbanovun versiyası
Qurban Qurbanov: “2024-cü il “Qarabağ” üçün çox yaxşı oldu”
Elmar Baxşıyev sayılmayan qol və oyunları haqda
“Qalatasaray”dan 5 qollu qələbə
İlin son oyununda "Qarabağ" qalib gəldi
Berezutski “Sabah”ın məğlubiyyəti barədə nə dedi?
Şamaxıda vurulan qollar - Video
"Zirə"nin qapıçısı üçün 100-cü oyun
