"Xəzər Lənkəran" uğursuz seriyaya son qoydu

"Xəzər Lənkəran" uğursuz seriyaya son qoydu
XƏBƏR 25 Aprel 2011 / 12:46 1818
-  A +

“Xəzər Lənkəran” tarixinin ən uğursuz seriyalarından birinə son qoyub. Qol.Az-ın məlumatına görə, tarixi ərzində ilk dəfə olaraq ardıcıl 6 oyun qələbəyə həsrət qalan Lənkəran təmsilçisi bu seriyanı Azərbaycan Premyer Liqasının 28-ci turunun AZAL-la qarşılaşmasında qırıb.

Rəqibi 3:0 hesabı ilə darmadağın edən Mirça Rednikin komandası sonuncu dəfə 51 gün əvvəl qalib gəlmişdi. Ötən ayın 3-də keçirilən matçda “Xəzər Lənkəran” ölkə kubokunun 1/4 final mərhələsinin səfər oyununda “Neftçi”ni məğlub etmişdi – 4:3.
 
Martın 3-dəki görüşdən sonra “Neftçi” ilə kubokun cavab qarşılaşmasında və çempionat görüşündə, həmçinin “İnter”lə Premyer Liqa görüşlərini doğma meydanda keçirən "Xəzər Lənkəran" hər 3 halda 1:1 hesabı ilə kifayətlənmişdi. Çempionata təsadüf edən son 3 səfər qarşılaşmasında isə komanda qola həsrət qalıb. AZAL-a 0:1 hesablı məğlubiyyət və “Qarabağ”la “Bakı” ilə qolsuz heç-heçələr 7 xal itkisinə bərabər olub.
 
Qeyd edək ki, çempionatdakı son qələbə səfərdə “İnter” üzərində qazanılıb. Həmin 3:1 hesablı zəfər 55 gün əvvəl fevralın 27-də qeydə alınıb.


Son xəbərlər
30.12.25  16:04

Pedri hazırdır