Qurban Qurbanov: "İnter"i hesabdan silmək düzgün deyil"

Qurban Qurbanov: "İnter"i hesabdan silmək düzgün deyil"
XƏBƏR 21 Aprel 2011 / 15:02 1712
-  A +

Ağdamın "Qarabağ" klubu "İnter"lə oyunun hazırlıqlarını davam etdirir. Qol.Az-ın məlumatına görə, millinin düşərgəsində olan 6 futbolçusunun xidmətindən məhrum olan komanda növbəti oyuna Suraxanı qəsəbə stadionunda hazırlaşır.

Bazar günü baş tutacaq oyunöncəsi komandanın baş məşqçisi Qurban Qurbanov klubun rəsmi saytına "bankir"lərlə oyun haqda fikirlərini bölüşüb:
"Hazırlığımızı normal qaydada davam etdiririk. Məlum səbəblərdən tam heyətlə məşq edə bilmirik. Bizdən 6, "İnter"dən isə 2 futbolçu millinin düşərgəsindədi. Sadəcə 2 gün tam heyətlə məşq edə biləcəyik. Çalışacağıq ki, maksimum ideal səviyyədə meydana komanda çıxaraq. Dəyişikliklərin olması mümkündür.

"İnter"lə oyun olduqca çətin keçəcək. Onlar son vaxtlar uğurlu çıxış edirlər. Oyunlarında həqiqətən artım var. Üstəlik, Kaxaber Sxadadze kimi bacarıqlı məşqçiləri var. Son zamanlar artırdıqlarını görsək bizimlə oyuna qələbə üçün çıxacaqlarını gözləmək olar.

Təbii ki, biz də eyni məqsəd üçün mübarizə aparacağıq. Final mərhələsinin ilk turunda da "İnter"lə oyunumuz çətin, taktiki mübarizə şəraitində keçmişdi. Sona 5 tur qalıb. Ona görə də oyunlar daha da gərgin keçəcək. "İnter" ölkənin son çempionudu. Ona görə də onları hesabdan silmək düzgün deyil".


Son xəbərlər
30.12.25  16:04

Pedri hazırdır