18:19
"Qarabağ"ın futbolçusu Bədavi Hüseynov Avropa Liqasının Liqa mərhələsinin 4-cü turunda "Bodo Qlimt"lə oyundan əvvəl mətbuat konfransında iştirak edib.
QOL.az xəbər verir ki, o, Norveç təmsilçisinə qalib gəlmək istədiklərini deyib: "Sabah bizi çox çətin oyun gözləyir. “Bodo-Qlimt” həm müdafiədə, həm hücumda balanslı komandadır. Eyni zamanda, bir məsələni də anlayırıq ki, xalımız yoxdur və sabah ilk xallarımızı qazanmaq istəyirik".
33 yaşlı müdafiəçi "Avroliqada yaxşı oyunlarınıza baxmayaraq, nəticələriniz uğursuzdur. Bunun səbəbi nədir?" sualına belə cavab verib: "Səbəbini demək çətindir. Xoş məqam odur ki, bizim fürsətlərimiz çox olur, çoxlu hücum edirik. Bəzən gözlənilməz hadisələr də olur. “Ayaks”la matçda qırmızı vərəqə hadisələri dəyişdi. “Tottenhem”lə oyuna da yaxşı başladıq, qol imkanları yaratdıq, amma qol vura bilmədik. Vəziyyəti yaxşılaşdırmağa çalışırıq, öz səhvlərimiz üzərində işləyirik. Ümid edirəm ki, çalışmağa bu cür davam etsək, növbəti oyunlarda vəziyyəti dəyişə biləcəyik".
B. Hüseynov süni ot örtüyündə oynayacaqlarından da söz açıb: "Süni örtüklü meydança bizə uyğun deyil. Bu, rəqib üçün üstünlükdür. Onlar buna öyrəşiblər. Onların “Portu” ilə oyunlarını izləmişik. Çox kompakt komandadır. Demək olar ki, 11 nəfərlə müdafiə olunmağı bacarırlar. Hər şeyi keyfiyyətlə edirlər. Əlbəttə ki, bizim öz fikirlərimiz var. Bu haqda indi danışmayacağam, sabah meydanda göstərmək istəyirik. “Bodo-Qlimt”in də zəif cəhətləri var. Hər şey ondan asılıdır ki, 90 dəqiqə ərzində tapşırıqları necə yerinə yetirə biləcəyik".
"Liverpul" Salahı itirdi
Nəriman Axundzadə MLS-də debüt etdi
"Lion" heyətində çıxış etməyən oyunçu üçün cərimə ödəyəcək
Əllə oyun olsa da, hakim penalti təyin etmədi - Şəkil
Bundesliqa matçında 6 qol vuruldu, qalib bəlli olmadı
"Tottenhem" 5 penalti qaytaran qapıçıya göz dikdi
"Liverpul"dan 10 ildən sonrakı ilk antirekord
"Barselona" onunla sağollaşa bilər
"Turan Tovuz" "Qəbələ"ni belə məğlub etdi - Video
Ekitike sıradan çıxdı, milliyə qoşula bilməyəcək
"İddialı danışmaq üçün hələ çox tezdir" - Kurban Berdiyev
“Qarabağ”ın lehinə penalti verilməli idimi? - Video
“Turan Tovuz” “Qəbələ”yə qalib gəldi
Mahir Emreli keçmiş komandasına qarşı oynadı
