Miroslav Beranek: "Azərbaycan bizim üçün ciddi rəqibdir"

Miroslav Beranek: "Azərbaycan bizim üçün ciddi rəqibdir"
XƏBƏR 20 Aprel 2011 / 12:24 1667
-  A +

AÇ-2012-nin seçmə mərhələsi çərçivəsində millimizin rəqiblərindən olan Qazaxıstan yığmasının baş məşqçisi Miroslav Beranek komandasında yeni kapitanın kimliyinə aydınlıq gətirib. Qol.Az-ın məlumatına görə, Beranek bu vəzifəni Astana "Lokomotiv"inin yarımmüdafiəçisi Andrey Karpoviçə həvalə edib.
 
Adı çəkilən futbolçu Qazaxıstan yığmasını iyunun 3-də millimizə qarşı oyunda meydana kapitan sarğısı ilə çıxaracaq. Komandada vitse-kapitan vəzifəsini isə "Aktobe"nin futbolçusu Samat Smakov yerinə yetirəcək.
 
Çexiyalı mütəxəsis daha sonra qarşısına qoyulan vəzifə və məqsədləri barədə də danışıb: "Qarşımıza qrupda 5-ci pilləni tutmaq vəzifəsi qoyulub. Əgər mən bunu bacarsam, müqavilənin artırılması haqda müzakirələr apara bilərik. Azərbaycanla qarşıdakı oyuna çox ciddi hazırlaşırıq. Azərbaycan ciddi rəqibdi. Türkiyə kimi rəqibə qalib gəliblər. Amma biz də güclü olduğumuzu göstərmək üçün maksimum çalışırıq".


Son xəbərlər
30.12.25  16:04

Pedri hazırdır