Naci Şensoy: "Futbolçularım istənilən oyunu göstərə bilmədi"

Naci Şensoy: "Futbolçularım istənilən oyunu göstərə bilmədi"
XƏBƏR 9 Aprel 2011 / 18:37 1756
-  A +

Premyer Liqanın 26-cı turunda Tovuzun "Turan" klubu öz meydanında "Qəbələ"yə 0:2 hesabı ilə məğlub olub. Qol.Az-ın məlumatına görə, "Turan" klubunun baş məşqçisi Naci Şensoy oyundan sonra keçirilən mətbuat konfransında bunları deyib:

"Meydançanın vəziyyəti yaxşı oyun göstərməyimizə mane oldu. Rəhbərlikdən xahiş edəcəyik ki, gələn mövsümdən etibarən oyunlarımızı süni örtüklü meydançada keçirək. Zaqatalada "Simurq"la oyunumuz yaxşı alındı, burada isə futbolçularım istənilən oyunu göstərə bilmədi.

İlk hissədə iki qol imkanımız oldu, istifadə edə bilədik. Futbolda "vurmayana vurarlar" qaydası işləyir. "Qəbələ"ni qələbə ilə təbrik edirəm. Bu oyunda azarkeşlərimizi gözəl oyunla sevindirmək istəyirdik, təəssüf ki, alınmadı. Onlardan üzr istəyirəm. Bizi dəstəkləməyə davam etmələrini xahiş edirəm".


Son xəbərlər
30.12.25  16:04

Pedri hazırdır