Milli komandamızın baş məşqçisi Berti Foqtsun bu gün növbəti dəfə jurnalistlərlə görüşdə səsləndirdiyi fikirlər bir sıra suallar ortaya çıxarıb. Xüsusilə Zaur Tağızadəylə bağlı məsələ diqqət çəkir. Almaniyalı mütəxəssis əvvəlcə Zaur Tağızadəni milliyə çağırmadığını deyir. Elədirsə, bəs Zaurun adı Foqtsun özü tərəfindən açıqlanan siyahıya necə düşüb? Sonra Foqts sözünü dəyişərək bildirib ki, Tağızadə “Bakı”ya qarşı forma geysəydi, onu milli komandaya çağıracaqdı.
Ardınca Foqts Zaur Ramazanovu milliyə götürməməsi ilə bağlı sualı cavablandırıb: “Mən bir qola görə oyunçunu komandaya götürmürəm”. Yaxşı, bəs elədirsə, onda nə üçün bir müddətdir zədəsi səbəbindən yaşıl meydandan kənarda qalan Zaur Tağızadə əvvəlcə milliyə cəlb olunur və sonra müəmmalı şəkildə heyətdən çıxarılır?
Alman məşqçi həmçinin bildirib ki, sonuncu turda xüsusən “Bakı” ilə “Qarabağ”ın oyununu bəyənib. Bu yerdə də ortaya başqa bir sual çıxır: niyə «Bakı»nın futbolçuları milliyə dəvət almır? Düzdür, “Bakı”dan Saşa Yunisoğlu ilə Fabio Luis Ramim milliyə komandaya çağırılıb. Lakin sonuncu turda Saşanın adı ümumiyyətlə “18-liy”ə düşməyib, Ramim isə yalnız son 20 dəqiqədə forma geyib. Bir halda ki, Foqtsun özünün dediyi kimi, “Bakı” gözəl oyun sərgiləyirsə, nəyə görə bu komandanın aparıcı futbolçuları - Rafael Əmirbəyov, Cəmşid Məhərrəmov və Elvin Əliyev milliyə dəvət almırlar?
Nəyə görə “Qarabağ”ın heyətində 9 yerli futbolçunun çıxış etməsini qabardan Foqts onlardan yalnız ikisini milliyə çağırır, Emin İmaməliyev, Zaur Ramazanov, Rəşad Sadiqov, Maksim Medvedyev kimi futbolçular isə kənarda qalır?
Göründüyü kimi, Foqtsa veriləsi suallar çoxdur. Amma hələ ki, Rusiya ilə oyunu gözləyək….
SAMİR
35 oyunda 40 qol - Video
"Cəbrayıl" - "Zaqatala" - Video
"Milan" "İnter"ə uduzsa...
"Karvan" "Mingəçevir"ə belə qalib gəldi - Video
"Əl-Nəsr"in yeni baş məşqçisi rəsmiləşdi
2-ci Liqada 3-cü tur başa çatdı
"Sumqayıt" gürcüstanlı futbolçu transfer etdi
1-ci Liqada 2-ci tur başladı
"Roma" baş məşqçi ilə razılığa gəldi
Bu Oyunda Favorit Sənsən!
"Azərreyl"də yeni baş məşqçi
“Neftçi” rəhbərliyində istefa
Amil Albaniya klubuna keçidi haqda - "Gecə ilə həll olundu"
İvan Perişiçin yeni klubu açıqlandı
ÇL-in bugünkü oyunlarını yayımlayacaq kanallar
"Kəpəz"dən yeni transfer
Marsyalın yeni klubu rəsmiləşdi