Baş hakimi döyən klub nümayəndəsi cəzalandırıldı

XƏBƏR 5 Aprel 2011 / 14:31 1613
-  A +

AFFA-nın İntizam Komitəsi Azərbaycan I divizionunun XX turunun “Bakılı” - MKT "Araz" matçından sonra görüşün baş hakimi Rauf Cabbarovu döydüyü üçün meydan sahibi komandanın inzibatçısı Babək Mahmudovu cəzalandırıb.

Qol.Az-ın PFL-in rəsmi saytına istinadən yaydığı xəbərə görə, Babək Mahmudov matçın baş hakiminə fiziki təsir göstərdiyi üçün 12 oyunluq cəzalanıb, klub 600 manat cərimələnib.

Bundan başqa, “Bakılı” klubunun futbolçusu Siyavuş Quluzadə hakimi təhqir etdiyinə görə birbaşa qırmızı vərəqə alaraq meydandan kənarlaşdırıldığı üçün futbolçu 4 oyunluq cəzalanıb, klub 400 manat cərimə edilib.

Matçın 84-cü dəqiqəsində “Bakılı” klubunun digər futbolçusu Ramiz Hüseynov rəqibi təhqir etdiyinə görə birbaşa qırmızı vərəqə alaraq meydandan kənarlaşdırıldığı üçün futbolçu 3 oyunluq cəzaya məruz qalıb, klub 200 manat cərimə olunub.

Qərarda deyilir ki, “Bakılı” klubu MKT “Araz” klubunun heyətində çıxış edən 2 futbolçu barədə İntizam Komitəsinə etiraz məktubu ünvanlayıb və adıçəkilən futbolçuların onlara qarşı matçlarda iştirak edə bilməyəcəkləri göstərilib. İntizam Komitəsi bu faktla əlaqədar araşdırma apararaq, etirazın əsasız olması barədə qərar qəbul edib. 


Son xəbərlər
30.12.25  16:04

Pedri hazırdır