Aleksandr Starkov: "Qalib gələ bilməməyimizin əsas səbəbi rəqibin yaxşı oyunu idi"

Aleksandr Starkov: "Qalib gələ bilməməyimizin əsas səbəbi rəqibin yaxşı oyunu idi"
XƏBƏR 2 Aprel 2011 / 20:25 1921
-  A +

Bu gün Premyer Liqanın 25-ci turu çərçivəsində öz meydanında "Xəzər Lənkəran"la qarşılaşan "Bakı" bu oyundan 0:0-lıq heç-heçə ilə ayrılıb. Qol.Az-ın məlumatına görə, "Bakı"nın baş məşqçisi Aleksandr Starkov oyundan sonra keçirilən mətbuat konfransında bunları deyib:

"Birinci hissədə bərabər səviyyəli oyun oldu. İkinci hissədə isə daha çox "Xəzər Lənkəran" komandası hücum edirdi. Bu isə onların oyunu əks hücum üzərində qurmaları və uzun ötürmələrdən istifadə etmələri ilə əlaqədar idi. Qol vurmaq üçün bizim də şansımız oldu. Lakin təəssüf ki, bundan yararlana bilmədik.

Ümumilikdə isə müdafiəçilər və qapıçımız yaxşı oynadı. "Bakı"nın bəzi oyunçuları bu gün daha yaxşı təsir bağışladı. Bu futbolçulardan Bəxtiyar Sultanovu qeyd edə bilərəm. Hücumda hələ də problemlərin olduğu danılmazdır. Bununla belə, qalib gələ bilməməyimizin əsas səbəbi rəqibin yaxşı oyunu idi". 


Son xəbərlər
30.12.25  16:04

Pedri hazırdır