"Qəbələ"nin futbolçusu 4 oyunluq cəzalandı

"Qəbələ"nin futbolçusu 4 oyunluq cəzalandı
XƏBƏR 23 Mart 2011 / 12:04 1710
-  A +

Bu AFFA İntizam Komitəsinin növbəti iclası keçirilib. Qol.Az-ın məlumatına görə, yığıncaqda aşağıdakı qərarlar qəbul edilib.

Premyer Liqanın 24-cü turunun “Muğan” – “Qəbələ” matçında “Qəbələ” klubunun 4 futbolçusu sarı vərəqə ilə cəzalandığı üçün klub min manat cərimə olunub. Oyunun 84-cü dəqiqəsində “Qəbələ” klubunun 3 nömrəli futbolçusu Nodar Məmmədov aqressiv oyuna görə (başla rəqibə zarbə) birbaşa qırmızı vərəqə alaraq meydandan kənarlaşdırıldığı üçün futbolçu 4 oyunluq cəzalanır, klub 4 min manat cərimə olunub.

Premyer Liqanın 24-cü turunun  “Xəzər-Lənkəran” – “Neftçi”  matçında “Xəzər-Lənkəran” klubunun 4, “Neftçi” klubunun 6  futbolçusu sarı vərəqə ilə cəzalandığı üçün hər iki klub min manat cərimə olunub. Oyunun 22-ci dəqiqəsində “Xəzər-Lənkəran” klubunun azarkeşləri tərəfindən meydançaya kənar əşya atıldığı üçün klub 2 min manat cərimə olunub.

Premyer Liqanın 24-cü turunun  “Qarabağ” – AZAL matçında AZAL klubunun 4 futbolçusu sarı vərəqə ilə cəzalandığı üçün klub min manat cərimə olunub.

Premyer Liqanın 24-cü turunun  “Gəncə” – “Simurq” oyununun 87-ci dəqiqəsində “Gəncə” klubunun 10 nömrəli futbolçusu Ceyhun Sultanov idmançıya yaraşmayan hərəkətə görə ikinci sarı vərəqə alaraq meydandan kənarlaşdırıldığı üçün futbolçu 1 oyunluq cəzalanır, klub 2 yüz manat cərimə olunub. Oyunun 87-ci dəqiqəsində “Gəncə” klubunun azarkeşləri tərəfindən meydançaya kənar əşya atıldığı üçünm klub 2 min manat cərimə olunub.


Son xəbərlər