Belçika yığmasının hücumçusu sıradan çıxdı

Belçika yığmasının hücumçusu sıradan çıxdı
XƏBƏR 22 Mart 2011 / 22:50 2082
-  A +

Avstriya və Azərbaycan yığmaları ilə Avro-2012-nin seçmə qrup oyunlarına hazırlaşan Belçika milli komandası daha bir futbolçunun xidmətindən məhrum olub. Qol.Az-ın məlumatına görə, bu, hücumçu Byorn Vleminksdir.

Bu mövsüm NEC klubunun heyətində vurduğu 18 qolla Hollandiya çempionatının bombardiri olan Vleminks hazırlıq prosesinə cəlb olunsa da, qasıq nahiyəsindəki zədə ilə əlaqədar toplanışdan kənarlaşdırılıb. Martın 21-dən təlim-məşq toplantısına başlayan Belçika millisində yarımmüdafiəçi Stiven Defur və müdafiəçi Yelle van Damm da yüngül zədələri ilə əlaqədar kollektivlə birgə hazırlaşa bilməyib. Onlar fərdi məşqlə kifayətləniblər. Lakin martın 25-də keçiriləcək ilk qarşılaşmayadək hər iki futbolçunun formada olacaqları açıqlanıb.

Qeyd edək ki, zədə üzündən Tomas Vermalen, Maruan Fellayni və Conatan Lejör baş məşqçi Jorj Leekens tərəfindən martın 25-də və 29-da keçiriləcək oyunlara çağırılmayıb.  


Son xəbərlər
24.01.26  16:27

“Liverpul”dan gedir

topaz banner