Peter Çex: "Çempionlar Liqasını qazanmaq istəyiriksə..."

Peter Çex: "Çempionlar Liqasını qazanmaq istəyiriksə..."
XƏBƏR 19 Mart 2011 / 13:17 2869
-  A +

"Çelsi" klubunun çexiyalı qapıçısı Peter Çex dünən Çempionlar Liqasında keçirilən pükşatmanın nəticəsinə münasibət bilidirib. Qol.Az-ın məlumatına görə, qapıçı "Çelsi"nin ÇL-in 1/4 finalında "Mançester Yunayted"lə qarşılaşmasını normal qarşılayıb.

"Püşkün nəticəsini normal saymaq olar. Əgər biz Çempionlar Liqasını qazanmaq istəyiriksə bütün rəqiblərə qalib gəlməliyik. "Mançester Yunayted" isə bu baxımdan bizim üçün daha uyğun rəqibdir. Çünki "qırmızı şeytanlar" hər nə qədər güclü olsa da, biz onları daha yaxşı tanıyırıq. Hər 2 komanda bir-birinə yaxşı bələd olduğu üçün bizi maraqlı oyun gözləyir.

Lakin bundan öncə biz Premyer Liqada "Mançester Siti"yə qalib gəlməliyik. Əgər bunu bacarsaq, "Mançester Yunayted"lə oyuna yüksək əhval-ruhiyyədə çıxarıq. Ona görə də, hələ ki "Mançester Siti" ilə keçirəcəyimiz matçı düşünürük".

Qeyd edək ki, Çempionlar Liqasının 1/4 final mərhələsində "Çelsi" və "Mançester Yunayted" komandaları arasında ilk oyun aprelin 5-də, cavab qarşılaşması isə aprelin 13-də keçiriləcək.


Son xəbərlər