Qara Qarayev: «Mən özümü Maksimin əvəzləyicisi saymıram»

Qara Qarayev: «Mən özümü Maksimin əvəzləyicisi saymıram»
XƏBƏR 16 Mart 2011 / 14:19 1937
-  A +

«Maksim Medvedyev zədələnəndən sonra baş məşqçimiz Qurban Qurbanov mənə şans verməyə başladı. Hələ çempionatın ilk yarısında da eyni vəziyyət yaranmışdı. O zaman da start heyətində meydana çıxırdım. Oynadıqca həm praktika artır, həm də özünəinam yüksəlir. Deməzdim ki, özümü Maksimin əvəzləyicisi sayıram».

Qol.Az-ın məlumatına görə, bu sözləri «Qarabağ»ın müdafiəçisi Qara Qarayev klubun rəsmi saytına bildirib.

O deyib ki, iddialı komandanın geniş heyəti olmalıdır: «Zədə, cəza vəziyyətlərinə hazır olmalıyıq. Bizim komandada oynamağa hazır 25-26 futbolçu var. Kimin əsas heyətdə oynamasının heç bir fərqi yoxdur. Kim meydana çıxırsa «Qarabağ» üçün oynayır. Düzdür, komandada hamıdan gəncəm. Bəxtim gətirib ki, ətrafımda yüksək səviyyəli futbolçular çoxdu. Müdafiədə Rəşad Sadıqov, Admir Teli kimi yüksək səviyyəli futbolçulardan öyrənməyə çalışıram. Məndən əks cinahda olan Aqollinin hücumlara necə dəstək verməsinə fikir verirəm. Hələ yolun başındayam. Amma heç də özümü təcrübəsiz saymıram».

Qara Qarayev Rremyer Liqanın final mərhələsi haqda ümidlidir: «Səkkiz oyundur qələbə qazanmağımız belə baxanda təəccüblü deyil. Payızda komandanın böhrana düşməsinin məlum səbəbləri vardı. Amma zamanla hər şeyin düzələcəyinə inanırdıq. Qarşıda bizi AZAL-la oyun gözləyir. Bu oyuna da eyni məqsədlə çıxacağıq. Rəqibin gücünü bilirik. Son oyunda bizi 2:0 məğlub etmişdilər. Çox çətin oyun olacaq. Son zamanlar müdafiədə inamlı təsir bağışlayırıq. İlk növbədə rəqibə qol vurmağa imkan verməməliyik. Bir qarabağlı olaraq «Qarabağ»ın uğur qazanmasına ikiqat sevinirəm. İnşallah, Premyer Liqanı «Qarabağ»ımıza layiq yerdə bitirərik».


Son xəbərlər