Hakimləri yenidən gizlətdilər

Hakimləri yenidən gizlətdilər
XƏBƏR 15 Mart 2011 / 23:43 2212
-  A +

AFFA Hakimlər Komitəsi ötən iki mövsüm ərzində Unibank Premyer Liqasında tətbiq etdiyi təcrübəni yenidən həyata keçirməyə qərar verib. Bu haqda Lent.az-a komitə sədri Xaqani Məmmədov məlumat verib.

Onun sözlərinə görə, XXIV tura təyinat alan 7 əsas və 7 ehtiyat hakim martın 16-dan etibarən təlim-məşq toplantısına cəlb olunacaqlar. Onlar adı gizli saxlanılan oteldə qalaraq, tam sakit şəraitdə oyunlara hazırlaşacaqlar: “Həmin yer heç kimin ağlına gəlməyən məkandadır. Bəzilərinin dediyi kimi, heç də həbsxana deyil. Onların qalacaqları şərait nə sizdə, nə də məndə var”.

Məmmədov onu da bildirib ki, Hakimlər qarşılaşmalara mühafizəçilərin əhatəsində yollanacaqlar. Bu addım hakimləri kənar təzyiqlərdən qorumaq məqsədilə atılıb. Bu proses mövsümün sonuna kimi davam edəcək.

Qeyd edək ki, Unibank Premyer Liqasında növbəti turun oyunları martın 17-də və 18-də keçiriləcək. Son illərin ən prinsipial rəqibləri sayılan “Xəzər Lənkəran”la “Neftçi” arasındakı qarşılaşma da məhz XXIV tura təsadüf edəcək.


Son xəbərlər