"Barselona" üçün şok iddia

"Barselona" üçün şok iddia
XƏBƏR 15 Mart 2011 / 18:49 3075
-  A +

Son dövrlər mükəmməl oyunu ilə göz oxşayan İspaniyanın "Barselona" klubu haqda şok iddia ortaya atılıb. Qol.Az-ın məlumatına görə, "Barselona" klubunda çıxış edən futbolçuların dopinq qəbul etməsi ilə bağlı xəbərlər yayılıb.

İspaniyada Xuan Antonio Alkala adlı bir jurnalistin radioya zəng edərək "Real" (Madrid) klubunun İspaniya Futbol Federasiyasına müraciət edərək dopinq testlərinin daha tez-tez və ciddi şəkildə həyata keçirilməsini tələb edəcəyini açıqlaması bütün ölkəni şoka salıb.

"Barselona" klubu isə yayılan bütün xəbərləri təkzib edərək bu tip iddiaların ortaya atılmasının idmanda rəqabətin inkişafına kölgə saldığını bildirib.

Qeyd edək ki, UEFA daha öncə "Barselona"ın 10 futbolçusunu dopinq testindən keçirmiş və bütün oyunçular bu müayinədən təmiz çıxmışdılar.


Son xəbərlər