Kaxaber Sxadadze: "Qarabağ"la lap Dubayda da oynayarıq"

Kaxaber Sxadadze: "Qarabağ"la lap Dubayda da oynayarıq"
XƏBƏR 12 Mart 2011 / 18:23 2770
-  A +

Bu gün Premyer Liqanın final mərhələsinin mərkəzi görüşündə son ölkə çempionu "İnter" öz meydanında Ağdamın "Qarabağ" klubuna 0:2 hesabı ilə məğlub olub. Qol.Az-ın məlumataına görə, "İnter" klubunun baş məşqçisi Kaxaber Sxadadze oyundan sonra keçirilən mətbuat konfransında bunları deyib:

"Bərabər səviyyəli oyun getdi. Lakin "Qarabağ" ikinci hissədə üstünlüyü aldı və qələbə qazandı. Bu oyunda uduzsaq da, buna heç də üzülmürük. Çünki marafon hələ qabaqdadır. İddialı komandalar bizdən irəlidə olsalar da, biz bu xal fərqini aradan qaldırmağa çalışacağıq. Bu mövsüm əsas hədəfimiz isə Avrokuboklara vəsiqə qazanmaqdır. Düşünmürəm ki, geridə qalan müddətdə "Birlik kuboku" oyunları və ölkə kubokunun matçları komandanın fiziki durumuna mənfi təsir göstərsin.  

Təəssüf ki, bu gün oyunumuz alınmadı. "Birlik kuboku"nda yaxşı çıxış edən Rövşən Əmiraslanovun oynamamasına gəlincə isə futbolçu xəstələnmişdi və yaxın günlərdə yenidən komandanın düşərgəsinə qayıdacaq. O ki qaldı "İnter"in Quzanlıda oynamaq istəməməsi ilə bağlı məsələyə, əgər rəhbərlik razılıq verərsə, "Qarabağ"la lap Dubayda da oynayarıq". Qol.Az-ın məlumatına görə, bu sözləri "Qarabağ"la oyundan sonra "İnter" klubunun baş məşqçisi Kaxaber Sxadadze deyib.

Qeyd edək ki, Premyer Liqanın final mərhələinin ilk oyununda "İnter" öz meydanında "Qarabağ"a 0:2 hesabı ilə məğlub olub.


Son xəbərlər