Tuyqun Nadirov: «Xəzər Lənkəran» Quzanlıda oynamağa etiraz etmir»

Tuyqun Nadirov: «Xəzər Lənkəran» Quzanlıda oynamağa etiraz etmir»
XƏBƏR 10 Mart 2011 / 14:01 2097
-  A +

«Biz «Qarabağ»ın Quzanlıda oynamaqla bağlı təklifi normal qarşılayırıq və komandamızın ora getməsinə etiraz etmirik». Bu sözləri Qol.Az-ın müxbiri ilə söhbətində «Xəzər Lənkəran» klubunun vitse-prezidenti Tuyqun Nadirov deyib.

«Qarabağ» klubu «Xəzər Lənkəran»da daxil olmaqla dörd komandayla çempionatdakı ev oyununu Quzanlıda keçirmək istəyir. Peşəkar Futbol Liqası isə klubların öz aralarında razılığa gələcəyi halda matçların Ağdamda keçiriləcəyinə icazə veriləcəyini bəyan edib.

«Biz bundan öncə də söyləmişdik ki, Quzanlıya getməyə etiraz etmirik. Hər halda «Qarabağ» Ağdamın klubudur və oyunlarını doğma meydanda keçirməsi normal haldır. «Xəzər Lənkəran» klubu olaraq «Qarabağ»la Quzanlıda oynamaqla yerli camaatı sevinməsini istəyirik. Ancaq eyni zamanda orada normal şərait də yaradılmalıdır. Ümid edirəm ki, həmin oyuna qədər meydançanın durumu normal hala gətiriləcək. Biz təkcə Ağdamda deyil, bütün bölgələrimizdə oyunların keçirilməsini, azarkeşlərin stadionlara gəlməsini istəyirik» - deyə T.Nadirov bildirib.


Son xəbərlər