«Bakı» «Qarabağ»la Ağdamda oynamağa razılıq verdi

«Bakı» «Qarabağ»la Ağdamda oynamağa razılıq verdi
XƏBƏR 10 Mart 2011 / 11:53 1930
-  A +

«Bakı» «Qarabağ»la səfər oyununu Ağdamın Quzanlı qəsəbəsi stadionunda keçirməyə razılıq verib. Bu haqda Qol.Az-ın müxbiri ilə söhbətində klubun vitse-prezidenti Zeynal Məmmədov bildirib.

Qeyd edək ki, «Qarabağ» ilk «altılıq»dakı iki ev oyununu - «Neftçi» və «Bakı» ilə görüşləri Quzanlıda keçirmək istədiyini bəyan edib.

Klubun direktoru Əmrah Çəlikəl klubların razılıq verəcəyi halda adları çəkilən komandaları Ağdamda qəbul edəcəklərini deyib.

«Bakı»nın vitse-prezidenti Zeynal Məmmədov deyib ki, onlar üçün səfər oyununu harada keçirmək önəmli rol oynamır: «Ağdam da bizim torpağımızdır, Bakı da. «Qarabağ» harada istəsə, orada da oynamağa hazırıq. Bizim tərəfdən heç bir problem yoxdur. Peşəkar Futbol Liqasının hansı qərarı versə, ona uyğun da hərəkət edəcəyik» - deyə Z.Məmmədov bildirib.


Son xəbərlər