"Neftçi"nin kapitanı hakimlikdən gileyləndi

"Neftçi"nin kapitanı hakimlikdən gileyləndi
XƏBƏR 9 Mart 2011 / 15:54 1908
-  A +

"Neftçi"nin kapitanı Rail Məlikov klubun rəsmi saytına müsahibəsində Azərbaycan kubokunun 1/4 final mərhələsinin "Xəzər Lənkəran"la cavab görüşü barəsində fikirlərini bildirib. Qol.Az-ın məlumatına görə, Məlikov həmin oyunu idarə edən hakimlərdən gileylənib.

"Oyunda baş verənləri hər kəs gördü. Futbol ictimaiyyəti bizim təkcə rəqiblə yox, həm də Vüsal Əliyevlə mübarizə aparmalı olduğumuzun şahidi oldu. Kubokun ilk oyununda "Xəzər Lənkəran" tərəfi Anar Salmanovun qərəzli idarəçiliyi ilə bağlı böyük səs-küy qaldırdı, etirazını bildirdi. Cavab matçında baş verənlərdən sonra onlar niyə susurlar.

Demək ki, baş hakimin idarəçiliyi onları qane etdi. Bəyəm, Lənkəran şəhər stadionunun meydançasında hakimin verdiyi qərarlar "Neftçi" üçün qərəzli deyildi? Hər kəs oyunda diqtə edən tərəfin kim olduğunu da gördü.

Oyundan sonra kapitan olaraq komandanın üzvlərini soyunub-geyinmə otağında güclə sakitləşdirdim. Onların hamısı hakimin "Neftçi"nin əleyhinə yönələn idarəçiliyindən çox əsəbi idilər, özlərinə yer tapa bilmirdilər. Belə olmaz axı, biz hamımız Azərbaycan futbolunun inkişafı üçün çalışırıq".


Son xəbərlər