Paskal Torres:"Fransanın Azərbaycan yığması ilə qarşılaşmaması məni sevindirməyə bilməz"

XƏBƏR 4 Mart 2011 / 17:40 2193
-  A +

Bu gün AFFA-nın İnzibati binasında növbəti hesabat konfransı keçirilib. Qol.Az-ın məlumatına görə, tədbridə iştirak edən FİFA prezidenti Yozef Blatterin müşaviri Paskal Torres Azərbaycan futbolu haqda fikirlərini bölüşüb: 

“Azərbaycana gələndə gördüklərimə heyran oldum. Burada futbolun inkişafı üçün lazım olan 3 amil yəni futbolun kütləviliyi, infrastruktur və təşkilatçılıq məsələləri çox yüksək səviyyədə həyata keçirilib. Cari ildə ölkənizdə futbolla məşğul olanların sayının əhəmiyyətli dərəcədə artaraq 7 mindən 15 minə yüksəlməsi görülən işlərin nəticəsidir. Mən Azərbaycan millisinin Türkiyə ilə keçirdiyiniz matçı da izləmişəm.

Bu oyunun nəticəsi məndə futbolunuz haqda müsbət fikirlər oyatdı. Gələn il ölkənizdə keçiriləcək 17 yaşlı qızlar arasında dünya çempionatı da AFFA-nın necə işlədiyinə bariz nümunədir. Bu munduialın açılışında bir sıra tanınmış şəxslərlə yanaşı FİFA prezidenti Yozef Blatter də iştirak edəcək. Bu turnirdə Azərbaycan yığmasının Fransa ilə qarşılaşmaması məni sevindirməyə bilməz. Buna səbəb isə sizin yığmanızın güclü olması ilə əlaqədardır”.

 

 


Son xəbərlər